100 ditët e para të qeverisjes – Xhafaj e Xhaçka prezantojnë prioritetet e ministrive përkatëse
Ministri i Brendshëm Fatmir Xhafaj dhe Ministrja e Mbrojtjes Olta Xhacka kanë prezantuar prioritetet e ministrive të tyre përkatëse në asamblenë Kombëtare të Partisë Socialiste, e cila po mbahet këtë të shtunë.
Kështu në 100 ditët e para të qeverisjes Ministria e Brendshme do të ketë këto prioritete:
1-Përgatitja e kuadrit ligjor për procesin e Vettingut në radhët e policisë.
2-Forcimi i policimit në komunitet. Do hartohet strategjia. Ngritja e strukturave
gjithëpërfshirëse të sigurisë.
3- Lufta kundër krimit të organizuar sfida kyçe për gjithë mandatin por në këto 100 ditët do të shohë një sërë hapash që do të hidhen. Ngritja e strukturave të posaçme ndërinstitucionale që do të angazhohen në nivel qendror dhe vendor për goditjen e paligjmërisë, bllokimin e sekuestrimin e aseteve që rrjedhin nga aktivitetet kriminale
4- Menaxhimi i kufirit prioritet. Parandalimi i fenomenit të azilkërkimit dhe emigracionit të paligjshëm. Do të përmirësojmë masat e regjimit të kontrollit në kufi. Do të bëjmë ndryshime cilësore në shërbimin në pikat e kalimit kufitar sidomos në Rinas dhe pikat e kalimit kufitar në zonat portuale.
Ministria e Mbrojtjes do të ketë këto prioritete:
1- Do thellojmë bashkëpunimin me NATO-n e SHBA e aleatët tanë europian.
2- FA do të vijojë rritjen e kontributit të Shqipërisë në NATO dhe angazhimin në misione paqeruajtëse të drejtuara nga aleanca
3- Në 100 ditët e para të punojmë seriozisht për të paraqitur një buxhet sa më serioz
4- Në këto 100 ditë FA do të jetë sa më pranë komunitetit. FA do të angazhohen për të respektuar Dëshmorët e Kombit. Do jemi në shërbim të komunitetit civil.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.