100% e shkencëtarëve besojnë se ndryshimi i klimës po ndodh për shkak të njerëzve

Shkencëtarët më në fund janë të gjithë të një mendjeje pasi konsensusi shkencor se ndryshimi i klimës është shkaktuar nga aktivitetet e qenieve njerëzore, më në fund ka arritur në 100%.

Shkencëtari James Powell, gjeolog i Bordit Kombëtar të Shkencave të Shteteve të Bashkuara, i cili raportoi mbi 11 mijë studime mbi ndryshimin e klimës dhe ngrohjen globale të botuar në shtatë muajt e parë të 2019, raportoi në faqet e Buletinit të Shkencës, Teknologjisë dhe Shoqërisë, duke demonstruar saktësisht miratimin unanim, përkatësisht se e gjithë bashkësia shkencore i atribuon ndryshimit të klimës emetimeve gjithnjë e në rritje të gazrave serë dhe faktorëve të tjerë që i atribuohen veprimtarive njerëzore.

Vetëm disa ditë më parë, kujtojmë, bota ka arritur rekordin negativ të emetimeve të gazrave serë. Sipas vlerësimeve të fundit të Organizatës Botërore të Meteorologjisë (WMO), në fakt përqendrimet e dioksidit të karbonit, gazit kryesor serrë që rrjedhin nga aktivitetet njerëzore, arritën në 407.8 pjesë për milion (ppm), që është një rekord i ri negativ historik.

Mjafton të themi se është përqendrimi më i lartë i regjistruar për 3-5 milion vjet. Që nga viti 1990, Wmo thekson, efekti i ngrohjes së gazrave serë është rritur me 43%, dhe tendenca është akoma në rritje. (Wired)

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.