104 të prekur në Shqipëri, Vlora dhe Shkodra i shtohen hartës së infeksionit, 2 vdekje në 10 orët e fundit

Në komunikimin e përditshëm nga Ministria e Shëndetësisë është njoftuar se numri I të prekrve me koronavirus në vendin tonë ka shkuar në 104, me 13 raste të reja të shtuara në 24 orët e fundit.

Përveç rritjes së numrit të infektuarve është rritur edhe numri I zonave të prekura, ku hartës tashmë I janë shtuar edhe qytete si Vlora me katër të infektuar dhe Shkodra me 1 të infektuar.

Por përveç shtimit të raste, disa shifra optimiste vijnë nga Spitali Infektiv në QSUT, ku kanë lënë ditën e sotme spitalin dhe 2 pacientë të tjerë, duke e çuar në 5 numrin e të shëruarve. Në komunikimin e përditshëm të Ministrisë së Shëndetësisë sqarohet se 49 pacientë ndodhen aktualisht të shtruar te spitali Infektiv, 3 prej tyre janë në terapi intensive, e ndërsa pjesa tjetër e të shtruarve në pavion janë në gjendje të stabilizuar deri në këto momente.

Në total janë kryer 859 teste për të dyshuarit, ndërsa Ministria e Shëndetësisë u shpreh se po punohet në çdo qytet për të evidentuar hartën epidemiologjike të kontakteve që kanë pasur personat e prekur. Ndërkohë janë regjistruar 4 viktima, 2 prej të cilëve në 10 orët e fundit.

Renditja e qyteteve më të prekura me COVID-19 në Shqipëri
Tiranë 68 qytetarë
Fier 12 qytetarë
Durrës 7 qytetarë
Vlorë 4 qytetarë
Kavajë 3 qytetarë
Korcë 3 qytetarë
Lushnje 2 qytetarë
Elbasan 2 qytetarë
Rrogozhinë  2 qytetarë
Shkodër 1 qytetarë

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.