105 milion lekë për kadastrën e qytetit të Vlorës – Detajet e tenderit

Drejtoria e Përgjithshme e Agjencisë Shtetërore e Kadastrës ka shpallur tenderin për ‘Rikonstruksion i godinës së ASHK-së Vlorë’ përmes APP.

Sipas informacionit të publikuar: “Projekti i ajrit te kondicionuar te objektit “Godina e Agjencisë Shtetërore te Kadastrës”, Vlore është mbështetur ne te dhënat klimatike për qytetin e Vlorës, ne normativat projektuese për ambiente te ngjashme si dhe Direktivat e Komitetit Europian: si direktiva 93/76 CEE e Këshillit te Europes (“SAVE”). Ky projekt synon te siguroje kushtet e komfortit te personave ne ambientet me destinacion zyra apo shërbimi si dhe ne rruajtjen e vetive fizike te materialeve te arkivuara nëpërmjet një sistemi te projektuar te ajrit te kondicionuar qe kontrollon nivelin e lagështisë dhe temperaturës ne ambientet me destinacion arkive.”

Sipas njoftimit të publikuar në Agjencinë e Prokurimit Publik fondi limit i këtij projekti është 105,351,850.00 Lekë ndërsa afati i fundit i aplikimeve është data 13-12-2021 Ora 11:00.

Në dokumentet e tenderit njoftohet se kohëzgjatja e kontratës ose afati për zbatimin e saj është 6 muaj.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.