105 vjetori i krijimit të Policisë së Shtetit – Xhafaj: Procesi i “Vetting-ut” do të reformojë sistemin
Gjatë ceremonisë së 105 vjetorit të krijimit të Policisë së Shtetit, Ministri i Brendshëm Fatmir Xhafaj ka mbajtur sot një fjalim.
Në fjalimin e tij, Xhafaj tha se Sfida e ditës për Policinë e Shtetit është kapja e ritmit të organizatave europiane e të mbërrijë kësisoj në standardet e vendeve të BE-së.
Me reformat e gjithanshme të ndërmarra vitet e fundit, qoftë ligjore, infrastrukturore, në burime njerëzore, kemi tashmë një Polici më të përgatitur dhe më reaguese, në mbrojtje të sigurisë publike, jetës dhe pronës së shtetasve.
Ai gjithashtu tha dhe se procesi i “Vetting-ut” do të ndihmojë në reformimin e Policisë së Shtetit dhe promovimin e personave të duhur.
“Procesi i Vetting-ut që nis së shpejti do të reformojë në kapacitetet e saj njerëzore në Policinë e Shtetit duke synuar të promovojë pjesën më të shëndetshme të saj, punonjësit më me integritet, ata më të trajnuarit, më të arsimuarit, të cilët për hir të së vërtetës janë shumicë në këtë organizatë”, u shpreh ai.
V.H/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.