108 raste të reja me COVID-19, Ministria e Shëndetësisë: 2 humbje jetë dhe 41 të shëruar në 24 orë
108 raste të reja me Covid-19 janë konfirmuar në vendin tonë nga 502 testime të bëra në 24 orët e fundit. Sipas Ministrisë së Shëndetësisë, në spitalin infektiv dhe atë Shefqet Ndroqi po trajtohen 125 pacientë, 17 në terapi intensive dhe 7 pacientë në intubim.
“Nuk e kanë fituar dot betejën me sëmundjen në spitalin Covid1, një 68 vjeçare nga Shijaku me disa sëmundje bashkëshoqëruese dhe në spitalin Covid2 “Shefqet Ndroqi”, një 60 vjeçare nga Tirana, pa sëmundje të tjera. Sot janë kryer 502 testime për të dyshuar të prekur me COVID19, nga të cilat janë konfirmuar 108 raste pozitive.”
Shpërndarja gjeografike e rasteve është si vijon: 52 raste në Tiranë, 12 në Krujë, 7 në Kukës, 6 në Fier, 5 në Mirditë, 4 në Tropojë, nga 3 raste në Vlorë, Kamëz, Përmet, nga 2 raste në Elbasan, Tepelenë, Memaliaj, nga 1 rast në Kurbin, Korçë, Lezhë, Has, Berat, Pogradec, Prrenjas.”
Gjatë 24 orëve të fundit janë shëruar 41 qytetarë, duke e çuar numrin e të shëruarve në 2830, që nga fillimi i epidemisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.