11 përshtypje për Shqipërinë, nga blogu i një turisteje të huaj
A keni qenë ndonjëherë në Shqipëri? E keni parë me sytë tuaj këtë vend? Keni komunikuar direkt me ta? Keni ngrënë nga duart e tyre? Fjetur në shtëpitë e tyre? Luajtur me fëmijët e tyre? Nëse përgjigjia është JO, atëhere po ju them disa gjëra që të përgatiteni.
1-Nuk mund të flasësh në anglisht sepse të gjithë flasin italisht dhe edhe më të rinjtë që tashmë njohin më mirë anglishten, do të bëjnë përpjekje për të të folur në italisht vetëm që të të bëjnë të ndjehesh si në shtëpinë tënde.
2-Nuk mund të mos mahnitesh nga mirësjellja e tyre sepse ata janë pikërisht të tillë
3-Nuk mund të refuzosh kur të ofrojnë një ndihmë ose thjeshtë një kafe…Do t’u vinte keq, tamam si të ne, sidomos në jug.
4-Nuk mund t’u besosh gazetave. Duhet të pranosh se të gjitha gjërat që ke lexuar ose dëgjuar apo menduar për Shqipërinë në vitet ’90 deri më sot, janë budallëqe ose të nxjerra nga konteksti.
5-Nuk mund të mbash dietë, hahet shumë mirë e kur të servirin bukën e sapopjekur në shtëpi mundesh vetëm të emocionohesh ndërsa nuhat erën e saj e mbi të gjitha e shijon atë. Për të mos folur pastaj për byrekun, u mallëngjeva?!
6-Nuk mund ta marrësh me mend se çfarë fati është të udhëtosh në një vend kaq të besueshëm e spontan kundrejt tjetrit. Këtu turisti është i mirëpritur.
7-Nuk mund të mos mallëngjehesh kur ha kosin, sallatën, byrekun, mazën, mishin e viçit apo qengjit me garniturën dhe… të gjitha sëbashku për 4 apo 5 euro. Përfshirë pijen.
8-Nuk mund ta marrësh me mend se si është e mundur që të marrësh kaq shumë duke paguar aq pak: niveli i shërbimit është padyshim i lartë.
9-Nuk mund të heshtësh, duhet t’ua thuash të gjithëve se Shqipëria është një vend i mrekullueshëm.
10-Nuk mund të mos nevrikosesh…ndërsa mendon se sa shtrembërohet realiteti dhe për këtë dëshiron ta përsëritësh sërish: Shqipëria është një prej vendeve më shkëlqyes e më tërheqës që ka Europa. E ngrohtë, e aftë për të të mikpritur e mbi të gjitha për të të bërë të ndjehesh si në shtëpinë tënde! E kjo nuk është diçka që e bëjnë të gjithë.
11-Nuk ke çfarë të bësh, je në Shqipëri…e të dashurohesh me këtë vend, është e lehtë!
Artikulli origjinal në italisht: KLIKO KETU
Përshtati në shqip SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.