11 raste të reja me Covid-19 në vend – Shkon në 197 numri total i të infektuarve
Në vijim të komunikimit të përditshëm Ministria e Shëndetësisë ka bërë me dije se gjatë 24 orëve të fundit janë testuar 79 persona të dyshuar ku 11 prej tyre kanë rezultuar pozitiv me Covid-19.
Ministria e Shëndetësisë bën me dije se gjatë 24 orëve të fundit kanë ndërruar jetë 2 pacientë në shërbimin e sëmundjeve infektive pranë spitalit “Nënë Tereza” në Tiranë midis të cilëve është një person 67 vjeç nga Tirana dhe një 72 vjeçare nga Vlora.
Deri në këto momente janë rregjistruar 197 raste të konfirmuara dhe janë testuar 1325 raste prej rasteve të dyshuara apo të cilat kanë qenë të mundshme.
Në shërbimin infektiv aktualisht janë 74 të shtruar dhe prej tyre 4 janë në gjendje kritike për jetën.
Ministria bën me dije, se vazhdon puna në terren për identifikimin e rasteve të reja dhe gjurmimin e kontakteve të rasteve të konfirmuara pozitive.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.