12 raste të reja me Covid – Shkon në 595 numri total i të shëruarve
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë kryer 255 testime ku 12 prej tyre kanë rezultuar pozitiv, duke e çuar në 832 numrin total të të infektuarve në të gjithë vendin.
Rastet e reja të konfirmuara janë përkatësisht: 3 raste në Fier, 3 raste në Krujë, 3 raste në Kamëz, 2 raste në Shkodër dhe një në Tiranë.
Nga numri total i rasteve 595 janë të shëruar ndërsa mbeten aktiv 206 raste dhe 31 persona kanë humbur jetën.
Në 2 spitalet Covid janë 36 pacientë të shtruar ku 8 prej tyre ndodhen në terapi intesive ndërsa pjesa tjetër e të infektuarve ndiqen nga mjekët e familjes.
Ministria e Shëndetësisë i bën thirrje qytetarëve të vazhdojnë të respektojnë masat e distancimit social dhe ruajtjes së higjienës.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.