13 mijë banesa me truall “ilegal” – Lame: Bëni gati dokumentet, nis regjistrimi

Rreth 13 mijë banesa dhe troje në të gjithë vendin të ndërtuara pas vitit 1991, janë të paregjistruara për shkak të dokumentacionit të mangët të truallit, i cili është dhënë pa procedura të rregullta nga bashkitë.

Rekordin e mban Saranda me 3500 troje të dhëna në këtë mënyrë, ndërsa ka me shumicë në Gjirokastër, Përmet, Kolonjë, Tepelenë, Berat, Fier, Elbasan, Lezhë, Kukës, Shkodër, etj.  Qeveria përmes një vendimi të miratuar së fundmi, i hap dritën jeshile qytetarëve për të regjistruar trojet në përdorim në zyrat e Kadastrës.

Lame kërkon bashkëpunimin e pushtetit vendor, në mënyrë që të mos bëhet pengesë për qytetarët.

Qytetarët që do të nisin këtë proces për tu bërë pronar të truallit, duhet të paguajnë edhe detyrimet përkatëse që parashikon ligji, në bazë të sipërfaqes.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.