Koronavirusi/ 13 raste të reja në 24 orë, shkon në 89 numri total. Katër persona në terapi intensive. Korca i shtohet hartës

Ministria e Shëndetësisë ka përditësuar publikun mbi të dhënat e fundit të njerëzve të infektuar me koronavirus

Janë 13 raste të reja me koronavirus në ditën e sotme, duke e çuar numrin total 89 në të gjitë Shqipërinë. Gjithashtu një rajon i ri i është shtuar hartës së të prekurve, konkretisht Korça ku janë identifikuar 3 raste të reja.

4 nga pacientët e infektuar  janë në terapi intensive, ndërsa mosha mesatare e të prekurve është 48 vjeç. Në total numri i rasteve të konfirmuara sipas saj 58% janë meshkuj dhe 42% femra. Sipas ekspertes së Shëndetësisë në total janë testuar 849 raste të dyshuara.

Ndërkohë shpërndarja e rasteve sipas qyteteve qëndron si më poshtë:
Tiranë 63 qytetarë

 Durrës 6 qytetarë

Lushnje 2 qytetarë

Elbasan 2 qytetarë

Fier 3 qytetarë

Rrogozhinë 2 qytetarë

Kavajë 3 qytetar

Kujtojmë që deri më tani në vendin tonë, nga përhapja e pandemisë së koroanvirusit kanë humbur jetën dy persona, një grua 73-vjecare nga Durrësi dhe një 66-vjecar nga Lushnja, i shtruar pranë Infektivit. Tirana është tashmë epiqendra e virusit, e ndjekur nga Fieri.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.