1/4 e popullsisë së botës përdor rrjetin social Facebook

Tashmë Facebook ka 2 miliard përdorues aktivë në muaj duke marshuar drejt një tjetër objektivi të rëndësishëm për kompaninë e cila filloi në një kolegj Amerikan për tu bërë rrjeti social më i madh në botë.

Sipas Pcworld, kjo bazë përdoruesish është më e madhe se popullsia e çdo vendi të botës dhe më e madhe se 6 nga 7 kontinentët. Përfaqëson më shumë se 1/4 e popullsisë së botës prej 7.5 miliard.

Facebook përcakton përdoruesit aktivë në muaj si një përdorues i cili qaset në rrjetin social për aplikacioneve mobile apo desktop një herë në 30 ditë.

Më 31 Mars rrjeti social kishte 1.94 miliard përdorues, një rritje me 17% krahasuar me një vit më parë. Në Tetorin e 2012-ës kishte arritur 1 miliard përdorues.

Kompania e cila u themelua nga Zuckerberg në 2004-ën në konviktin e Universitetit, sot ka një bazë prej 5 milion reklamuesish. Rritja e Facebook erdhi përtej Shteteve të Bashkuara, Kanadasë dhe Evropës.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.