15 këshilla se si të shpenzoni më pak para në supermarket! Rregullat: Kurrë mos shko i uritur e kujdes muzikën
Mos shko i uritur për të blerë në supermarket
Të shkosh në supermarket i uritur është me siguri një mënyrë për të shpenzuar më shumë para sesa duhet. Sigurohu që të hash diçka para se të shkosh për të blerë në mënyrë që të mos përfundosh duke bërë blerje të panevojshme, të diktuara nga impulset që shkakton uria.
Përfito disa lloje ushqimesh nga një produkt i madh
Nëse blen një pulë të tërë për ta gatuar për një vakt, sigurohu që të marrësh maksimumin nga ajo. Mund të bësh sanduiçe, supë dhe shumë ushqime të tjera nga mishi që mund të mbetet nga vakti.
Ha ushqimet që kanë tepruar
Shumë para shkojnë dëm sepse njerëzit nuk i hanë ushqimet e mbetura nga vaktet e mëparshme. Edhe pse nuk janë shumë të preferuara, ushqimet e mbetura, me pak kujdes (duke i rigatuar) mund të përbëjnë vakte të shijshme.
Mbaji në frigorifer ushqimet e mbetura
Nëse nuk mund të konsumosh të njëjtën ushqim dy ditë rresht, atëhere fute në ngrirje. Ka shumë ushqime të përshtatshme për ngrirje që janë në shitje. Ato të mundësojnë që t’i gatuash dhe t’i ruash për më vonë.
Ha një vakt pa mish
Mishin është më i kushtueshëm se perimet. Ndaj, që të blesh më pak mish pse të mos i japësh një shans “të hënes pa mish”? ha më shumë perime dhe drithëra dhe kurse para duke e bërë këtë.
Mbaje ushqimin të dukshëm
Shumë herë konsumatorët zbulojnë diçka të vjetër ose të skaduar që kanë harruar në ndonjë cep të frigoriferit. Është e lehtë të hapësh diçka, ta konsumosh pjesërisht e pastaj të rifusësh në frigorifer duke e harruar e kështu duke çuar dëm produktin e paratë e shpenzuara për të.
Kufizo vizitat në supermarket
Mos shko në supermarket çdo ditë. Mundohu të shkosh një herë në javë dhe padyshim do shpenzosh më pak.
Dëgjo muzikë ritmike
Qendrat tregtare e marketet e mëdha me qëllim kanë në sfond muzikë që ecën avash e që është e lehtë, që të relakson e kjo shërben për të inkurajuar blerësit që ta marrin me avash. Kjo është një teknikë biznesi që ka rezultuar se jep si efekt për blerësit që të blejnë më shumë sesa kanë nevojë. Ndaj kur të shkosh në market, mund të marrësh edhe një palë kufje e të dëgjosh muzikë që të bën të kërcesh.
Shiko në raftin lart e në atë poshtë
Supermarketet janë goxha “të zgjuar” kur bëhet fjalë për pozicionimin e produkteve në rafte dhe vendosin produktet më të fitimprurëse në nivelin e syrit. Trego kujdes që të shohësh në raftin lart dhe në atë poshtë pasi mund të gjesh produkte të ngjashme me çmime më të ulëta.
Bëj një plan menuje
Duke planifikuar menunë e asaj që do gatuash gjatë javës do të bësh të mundur që të blesh vetëm atë për të cilën ke nevojë, pa e tepruar.
Bli vetëm atë që mund të konsumosh
Mos lejo që sytë të jenë më të mëdha se stomaku (ose portofoli) dhe bli vetëm sasi që e di se do i konsumosh! Njerëzit blejnë më shumë ushqim sesa mund të konsumojnë dhe përfundojë duke hedhur në mbeturina sasi të mëdha ushqimi. Ndaj bëhu një blerës i përgjegjëshëm, blej më pak, hidh më pak dhe kurse para.
Shkon vetëm në supermarket
Kjo mund të duket një këshillë paksa e çuditshme por nëse shkon të blesh me një grup fëmijësh, është e lehtë të mbushësh karrocën me gjëra të panevojshme. Lëri të gjithë në shtëpi dhe do të jetë me e lehtë t’i përmbahesh buxhetit
Bli në orët e duhura të ditës
Disa dyqane apo supermarkete i shesin produktet e një dite më parë me një çmim më të ulët. Shiko nëse supermarketi yt e ndjek këtë praktikë në mënyrë që ta ndjekësh dhe ti; pra t’i blesh produktet të nesërmen në mëngjes.
Bli në sezon
Të blesh prodhime që nuk janë të sezonit nuk është një mënyrë e mirë për të bërë blerje. Jo vetëm produktet do të jenë më pak të shijshme por edhe do të jenë më të kushtueshme. Bli produktet e stinës të cilat janë më pak të kushtueshme e më shumë të shijshme.
Bëj blerje me listë
Para se të shkosh të vësh blerje shkruaj një listë me çdo gjë që të duhet të blesh. Kur shkon të blesh, mos blej asgjë që nuk është në listë. Të gjitha shtesat e vogla në kosh ose karrocë e rrisin ndjeshëm faturën në fund ndaj edhe nëse i përmbahesh në mënyrë strikte listës do të kursesh para.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.