157 mijë vota të pavlefshme nga jashtë – Qeveria e re portugeze pezullon betimin!

Qeveria e re socialiste e Portugalisë mund të mos bëjë betimin deri në mars për shkak të mijëra votave të pavlefshme zgjedhore. Të martën, Gjykata Kushtetuese e vendit anuloi rreth 80% të votave me postë që u hodhën nga shtetasit portugez që jetonin jashtë vendit në Europë.

Gjykata tha se më shumë se 157,000 vota ishin të pashoqëruara me një dokument identiteti dhe për këtë arsye ishin të pavlefshme. Zgjedhjet tani duhet të përsëriten në 139 qendra votimi në të gjithë Europën, shtoi ai. Partitë politike portugeze kishin arritur më herët një marrëveshje verbale për të hequr kërkesën që votuesit të dërgojnë një kopje të një dokumenti zyrtar ID me fletëvotimet e tyre postare.

Por 13 gjyqtarët në gjykatën më të lartë të Portugalisë thanë se vendimi ishte “shumë i paligjshëm” sepse binte ndesh me ligjin zgjedhor.

Vendimi i gjykatës jo vetëm që ka vënë në siklet politikanët, por ka shtyrë edhe buxhetin shtetëror të Portugalisë për vitin 2022 deri në qershor. Por një përsëritje e votimit nuk do të ndikojë në rezultatin përfundimtar, pasi Partia Socialiste e kryeministrit të ardhshëm António Costa mblodhi një mazhorancë prej 119 vendesh në parlamentin me 230 vende.

Costa, i cili priste të merrte detyrën javën e ardhshme, u kërkoi falje votuesve dhe tha se çështja duhet të “shërbejë si një mësim” për politikanët që të shkruajnë ligje më të mira. Një votim i dytë zgjedhor për shtetasit portugez jashtë vendit në Europë do të zhvillohet më 27 shkurt.

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.