16 leje të reja për miniera dhe gurore – Në Maj Ministria e Energjisë hap ofertat

Ministria e Infrastrukturës dhe Energjetikës ka hapur procedurat e konkurrimit për dhënien e lejeve minerare për 16 zona minerare konkurruese. Pjesa më e madhe e këtyre zonave minerare kanë qenë të miratuara në planet vjetore të mëparshëm, duke nisur nga viti 2011.

Disa prej lejeve përfshijnë zona për vendosjen e guroreve për të nxjerrë gur gëlqeror, si në Kukës apo Lushnjë. Por gjithashtu ka edhe leje për nxjerrjen e mineraleve të ndryshme si kromi në qarkun e Dibrës.

Në total, zonat minerare konkurruese për të cilat do të realizohet konkurrimi janë: Nr.  275/7, Nr.  275/8,  Nr.  181,  Nr.  659/1,  Nr.  261,  Nr.  713/2,  Nr.  419/6,  Nr.  289,  Nr.  289/6,  Nr.  519,  Nr. 198, Nr. 602/1, Nr. 276/5, Nr. 532, Nr. 322, Nr. 428.

Afat e fundit për dorëzimin e ofertave për këto leje janë sipas grupeve, datat 2, 3 dhe 4 Maj 2018.

Ndërkohë, në fund të Shkurtit MIE hapi edhe procedurat për dhënien në shfrytëzim të Minierës së Vlahnës në Kukës, e cila përbën rezervën e dytë më të madhe të kromit në vend.

A.H./SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.