162 milion dollarë gjobë për Tesla – JP Morgan padit Musk pas postimeve të tij në Twitter!

JP Morgan Chase ka paditur Teslën për 162 dollarë (121 milion £) për postimet në Twitter në 2018 nga shefi Elon Musk se ai mund të merrte totalisht për vete prodhuesin e makinave elektrike. Banka akuzoi Tesla-n për shkeljen “në mënyrë flagrante” të një marrëveshjeje që ajo pretendon se duhet të kishte sjellë pagesa për JP Morgan.

Tweetet famëkeqe të Musk se ai kishte fonde për të hequr Teslën nga bursa e Nju Jorkut shkaktuan paqëndrueshmëri në çmimin e aksioneve. Më vonë ai e braktisi këtë veprim dhe u gjobit nga rregullatori financiar i SHBA.

Padia e JP Morgan, e paraqitur në një gjykatë federale në Manhattan, thotë se kompanitë kishin një marrëveshje të nënshkruar në 2014 që i lejonte bankës të blinte aksionet e Tesla me një çmim dhe datë të caktuar. Sipas marrëveshjes, Tesla i shiti të ashtuquajturat garanci te JP Morgan duke lejuar bankën të blinte aksione nëse çmimi ishte nën çmimin e aksionit të Tesla-s kur garancitë skadonin në qershor dhe korrik 2021.

JP Morgan tha se garancitë përmbanin dispozita standarde që e lejonin atë të rregullonte çmimin e tyre për të mbrojtur të dyja palët kundër efekteve ekonomike të “transaksioneve të rëndësishme të korporatave që përfshijnë Tesla”, siç është një njoftim që kompania do të bëhej private.

Musk postoi në Twitter më 7 gusht 2018 se ai mund të merrte Tesla-n private me 420 dollarë për aksion dhe kishte “fondet e siguruara”. Ai e hoqi planin 17 ditë më vonë. Çmimi i aksioneve të Tesla-s u rrit afërsisht 10-fish në kohën kur skadonin garancitë këtë vit, dhe JP Morgan tha se kjo kërkonte që Tesla, sipas kontratës së saj, të dorëzonte aksionet ose para të gatshme.

Tweet-et e tij të vitit 2018 për heqjen e Teslës nga tregu i aksioneve çuan në akuza nga rregullatori i fuqishëm i SHBA-së, Komisioni i Letrave me Vlerë dhe Shkëmbim, për çorientim të tregut. Musk i mohoi me forcë akuzat, por përfundimisht ra dakord për një zgjidhje që çoi në dorëheqjen e tij si kryetar i prodhuesit të makinave. Ai dhe Tesla paguan 40 milionë dollarë gjobë. BBC

Edel Strazimiri / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.