17 raste të reja në një ditë – Korea e Jugut njofton se po kalon valën e dytë të pandemisë
Koreja e Jugut po kalon një valë të dytë të koronavirusit, tha autoriteti shëndetësor i vendit.
Shtatëmbëdhjetë raste të reja u raportuan të hënën, pas zbulimit të 67 rasteve të reja të shtunën dhe 48 raste të reja të dielën.
“Ne fillimisht parashikuam që vala e dytë do të shfaqet në vjeshtë ose dimër,” tha autoriteti shëndetësor i vendit, sipas agjencisë së lajmeve Yonhap.
“Parashikimi ynë rezultoi i gabuar. Për sa kohë që njerëzit kanë kontakt të ngushtë, ne besojmë se infeksionet do të vazhdojnë.”
Seul, kryeqyteti, ka parë rritjen më të madhe të rasteve. Vala e dytë e qytetit mund t’i atribuohet njerëzve që marrin transportin publik. Shkencëtarët parashikojnë që Koreja e Jugut mund të shihte 800 raste të reja në ditë nëse transmetimi nuk ngadalësohet.
Që nga e hëna, ka pasur 12.438 raste të konfirmuara të COVID-19 në Korenë e Jugut. Dyqind e tetëdhjetë njerëz kanë vdekur.
D.B – SCAN
Burimi: Business Insider
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.