1700 kontrata të reja në Tiranë – Mbaron afati i vetëformalizimit për ujin, më 1 Mars nis aksioni

Data 28 Shkurt ka qenë afati i fundit për qytetarët që kanë përfituar ujë në mënyrë të paligjshme, që të vetëformalizojnë pa penalizime marrëdhënien e tyre me këtë institucion apo të paguajnë detyrimet e prapambetura.

Nga 1 Marsi është parashikuar të nisë aksioni edhe tek familjarët, ndërsa aksioni për bizneset ka nisur në fillim të këtij muaji dhe janë verifikuar në total 4 mijë subjekte.

Në terren janë 15 grupe të Ujësjellës-Kanalizime Tiranë të cilat në bashkëpunim edhe me Policinë Bashkiake po verifikimet dhe në terren, duk kryer rreth 100 inspektime në ditë dhe qytetarët apo subjektet që kapen në shkelje do të përballen me ligjin.

Nga 1 Shkurti janë lidhur rreth 1700 kontrata të reja nga qytetarë në kryeqytet, që deri më tani kanë konsumuar ujë të pijshëm në mënyrë të paligjshme. Për të përballuar situatën njësitë zonale të ujësjellësit dhe pikat UKT kanë funksionuar me orar të zgjatur nga ora  8-20.

Sa 1 përket konsumatorëve që kanë pasur detyrime të prapambetura, janë rreth 1 mije aktmarrëveshje te lidhura për pagesë me këste me vlerën 2 mijë lekë në muaj, ndërsa nga 1 Marsi, ata që do të verifikohen me këtë problematikë, do të përballen me ndërprerje të ujit të pijshëm.

Elisabeta Dosku/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.