19.5 miliardë lekë leje ndërtimi – 10-mujori 2020, INSTAT: U miratuan 262 ndërtime të reja, 166 me destinacion banimin

INSTAT ka publikuar të dhënat e lejeve të ndërtimit të lëshuara në gjithë territorin gjatë dhjetëmujorit të këtij viti, vlera totale e të cilave arrin në rreth 19.5 miliardë lekë, afërsisht 190 milionë dollar. Instituti I Statistikave raporton se në tremujorin e tretë 2020 janë miratuar gjithsej 262 leje ndërtimi për ndërtesa të reja, nga 308 leje të miratuara në tremujorin e tretë 2019, duke shënuar një rënie prej 14,9 %

Sipërfaqja e lejeve të ndërtimit miratuar për ndërtesa të reja, në tremujorin e tretë 2020, është 397.947 m2, nga 690.699 m2 miratuar në tremujorin e tretë 2019, duke shënuar një rënie prej 42,4 %. Në tremujorin e tretë 2020, vlera e përafërt e lejeve të ndërtimit miratuar për ndërtesa dhe punime inxhinierike është 19,5 miliardë lekë, nga 25,8 miliardë lekë miratuar në tremujorin e tretë 2019, duke shënuar një rënie prej 24,3 %.

Objektet e banimit zënë pjesën dërrmuese të lejeve të dhëna gjatë këtyre dhjetë muajve. Në total 166 leje janë miratuar me destinacion banimin, mes të cilave 68 me një ka, 66 me dy kate, dhe 30 me më shumë se tre kate. 30 leje janë dhënë për ndërtesa industriale, ndërsa për objekte tregtare janë dhënë 21 leje. Gjatë dhjetëmujorit janë dhënë edhe 6 leje për hotele apo objekte të kësaj natyre.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.