2 HEC-e me kapacitet të ulët prodhues në Lushnje – MIE publikon ofertat, detajet e projekteve
Vijon të mbetet ende e lartë kërkesa e investitorëve për shfrytëzimin e pasurive hidrike për rritjen e kapaciteteve të reja prodhuese të energjisë elektrike.
Kështu, dy hidrocentrale të reja janë parashikuar të ndërtohen në qytetin e Lushnjes. Aplikimet e radhës për ndërtimin e impianteve hidroenergjitike “Thanë 1” dhe “Thanë 2” kanë mbërritur pranë Ministrisë së Energjisë.
Sipas MIE, është pikërisht shoqëria “Hydro Green Energy Thana” sh.p.k, e cila kërkon të ndërtojë dy hidrocentrale me kapacitet të ulët prodhues. Kjo shoqëri ka aktualisht si objekt të aktivitetit të saj projektimin, ndërtimin, zhvillimin dhe vënien në punë e mirëmbajtjen e impianteve për prodhimin e energjisë së rinovueshme.
Nga detajet e projekteve, hidrocentralet e vegjël me kapacitet të instaluar deri në 2MW janë parashikuar të ndërtohen në rezervuarin e Thanës (Murrizit), pjesë e Qarkut të Fierit.
G.D/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.