20 milion euro garanci për kreditimin e bujqësisë – Civici: Bizneset dhe institucionet financiare të aplikojnë
BERZH dhe qeveria shqiptare kanë vendosur në dispozicion 20 milionë euro garanci për bankat tregtare me qëllim kreditimin e bizneseve në sektorin bujqësor, të agroturizimit dhe turizmit. Në një interviste për TV SCAN, zv.Ministri i Bujqësisë Enio Civici shprehet se ky mekanizëm lehtëson ndjeshëm kredi marrjen dhe u bën apel institucioneve financiare që të aplikojnë për këtë fond.
Civici u bën apel bizneseve që të aplikojnë dhe të mos e humbasin këtë shans për të rritur dhe zgjeruar aktivitetin e tyre.
Sa i takon fondit të disbursuar deri më tani, prej 75 milionë eurosh, ai shprehet se interesi nga bizneset ka qenë i lartë por ka pasur një stepje të sektorit bankar. Ky fond është miratuar në vitin 2016 me një vlerë totale prej 180 milionë euro ku 150 ishin të dedikuara për bujqësinë.
Elisabeta Dosku / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.