2020, Më shumë internet nga celularët – AKEP: Tregu në tetor-dhjetor ju rikthye vlerave normale pas ndikimit të pandemisë
Pas një rënie të fortë për pjesën e parë të vitit 2020, treguesit e tregut të telefonisë celular i janë kthyer vlerave normale gjatë tremujorit të fundit, ndërkohë që rritje të fortë ka shënuar përdorimi i internetit përmes pajisjeve mobile. Sipas të dhënave të sapopulikuara nga AKEP, Numri i përdoruesve active të telefonisë celulare gjatë T42020 arriti në rreth 2.51 milionë që përbën një rritje me rreth2.8% krahasuar me T3 2020 dhe mbetet në të njëjtat vlera me T42019. Ndërkohë që në rritje mbeten treguesit e përdoruesve Numri i përdoruesve aktivë të aksesit broadband në Internet nga rrjetet celulare në T42020 ishte rreth 1.99 milionë që përbën një rritje me2.2% me tremujorin e mëparshëm, dhe një rritje me 11.7% në krahasim me Tremujorin e katërt 2019.
Totali thirrjeve dalëse të gjeneruara nga pajtimtarët celularë në Shqipëri në T42020 ishte rreth 1.4 miliardë minuta, me një rritje prej 2.3%në krahasim me tremujorin paraardhës dhe me një rritje prej 2.7% me T42019.
Numri i mesazheve SMS të dërguara nga pajtimtarët e rrjeteve celulare në T42020 ishte rreth 152 milion që përbën një rënie me 8.7% krahasuar me T32020 dhe një rënie me 37.4% në raport meT42019;-Sasia e trafikut data (Internet) në rrjetet celuare gjatë T42020 ishte rreth 26 Milion GByte. Një përdorues aktiv i aksesit broadband celular ka përdorur mesatarisht rreth 4.46 GB Internet në muaj në T42020, që përbën një rritje me 12.5% në krahasim me T32020 dhe një rritje me 29.4% krahasuar me T42019. Konsumi mesatar mujor për përdorues aktiv i shërbimeve celulare gjatë T42020ishte: 186minuta dalëse, 20SMS dhe 4.46GB Internet. Krahasuar me T32020, konsumi mesatar i thirrjeve pati një rënie me 0.5%, konsumi mesatar i SMS-ve pati një rënie me 11.2% dhe konsumi mesatar i internetit u rrit me 12.5%.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.