2020, shqiptarët “vrapuan” të sigurojnë pronat – Sigurimet nga katastrofat u rritën me 9.67%, pesëfishohen dëmshpërblimet nga kompanitë

Tërmeti i 26 nëntorit të vitit të shkuar duket se I ka bërë shqiptarët të vrapojnë për të siguruar pronat. Të dhënat e sapopublikuara nga Autoriteti Mbikqyrjes Financiare tregojnë se përgjatë nëntë muajve të parë të këtij viti është rritur si numri i subjekteve që kanë siguruar pronat nga katastrofat natyrore, ashtu edhe shumat e paguara për këtë qëllim.  Ndërkohë që rritjen më të fortë e ka shënuar niveli I dëmshpërblimeve që kanë paguar kompanitë ndaj klientëvë të dëmtuar.

“Në portofolin sigurimi nga Zjarri dhe Forcat e Natyrës, gjatë periudhës janar-nëntor 2020, vihet re një rritje prej 9.67% e vëllimit të primeve të shkruara bruto të këtij portofoli dhe një rritje me 3.25% e numrit të kontratave të sigurimit, krahasuar me periudhën janar-nëntor 2019, shkruhet në raportin e Autoritetit të Mbikqyrjes Financiare.

Në portofolat e Pronës, Përgjegjësive, Garancive të cilat gjatë periudhës janar-nëntor 2020 siguruan mbi 2,533 milionë lekë të ardhura në total, vendin e parë e zunë Zjarri dhe Dëmtime të Tjera në Pronë me rreth 60.21%, të pasuara nga sigurimi i Përgjegjësisë së Përgjithshme me 30.68% të totalit.

E kundërta ka ndodhur me sigurimin e aksidenteve dhe me sigurimin e jetës, zëra që kanë shënuar ulje për vitin 2020.

Të ardhurat nga sigurimet e Aksidenteve dhe Shëndetit, gjatë periudhës janar-nëntor 2020, arritën në rreth 941 milionë lekë, duke shënuar një ulje prej 13.54% në krahasim me periudhën janar-nëntor 2019.

Ndërkaq, Primet nga sigurimet e Jetës gjatë periudhës janar-nëntor 2020, arritën rreth 1,002 milionë lekë, ose 6.14% më pak se në periudhën janar-nëntor 2019.

Efekti I tërmetit është pasqyruar edhe në nivelet e dëmshpërblimeve që kompanitë kanë paguar për llogari të klientëve të tyre të dëmtuar. Pagesat e dëmeve gjatë periudhës janar-nëntor 2020 u rrit me 24.08% krahasuar me periudhën janar-nëntor 2019. Pjesa më e madhe e dëmeve të paguara bruto i përket sigurimit nga Sigurimi Motorik me rreth 2,895 milionë lekë, apo 42.51% të totalit të dëmeve të paguara bruto.

Ndërkohë që janë dëmshpërblimet që kanë paguar kompanitë ato që kanë shënuar një rritje të fortë prej më shumë se 5 herësh. Nga 4.1 milionë dollar në vitin 2019, volume total I dëmshpërblimeve që kanë paguar kompanitë për sigurimin nga zjarri e forcat e natyrës ka kërcyër në 27 milionë dollarë për nëntëmujorion e vitit 2020.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.