2021-2027, sytë nga zonat e teknologjisë – Strategjia: Të përshpejtohen proceduarat, parqe në Elbasan, Spitallë, Koplik dhe Kashar
Zonat e lira dhe parqet industriale do të jenë pikë kyçe në përpjekjet për afrimin e investimeve të huaja për 7 vitet e ardhshme. Në Strategjinë e Zhvillimit të Biznesit dhe Investimeve 2021-2027 të sapopublikuar nga Ministria e Financave theksohet se Aktualisht ka ende një mungesë të zonave të përshtatshme dhe operacionale në Shqipëri, çka përbën një barrierë të madhe për investimet. është e nevojshme të përshpejtohet zbatimi dhe të rritet efektivitetin e programit për këto zona, të njohura si TEDA, për të krijuar një portofol të orientuar drejt nevojave për grupe të ndryshme. Shkak pët të cilin në strategji flitet për të paktën 4 Zona të Teknologjisë dhe Zhvillimit Ekonomik në truall shtetëror: në Elbasan, Spitallë, Koplik dhe më e fundit në Kashar.
Lidhur me ngritjen e Zonës së Teknologjisë dhe Zhvillimit Ekonomik në Elbasan, Ministria e Financave dhe Ekonomisë bën me dije se negocioi kontratën me zhvilluesin “ITALDRURI ELBASAN” llc Pas kësaj, Këshilli i Ministrave miratoi vendimin e tij nr. 238, datë 20.03.2020 “Për miratimin e nënshkrimit të kontratës ndërmjet Ministrisë së Financave dhe Ekonomisë kësaj kompanie.
Ndërkaq janë shpallur me vendim të Këshillit të Ministrave “TEDA Spitallë” me sipërfaqe 49.1 ha dhe “TEDA Koplik” Malësi e Madhe me sipërfaqe 62 ha. Së shpejti do të fillojnë procedurat për përzgjdhjen e zhvilluesit.
Ndërkaq, Bashkia e Tiranës për projektin e TEDA Kashar, ka aplikuar pranë Agjencisë Shqiptare të Zhvillimit të Investimeve (AIDA) për të marrë statusin e investitorit strategjik.
Lorenc Rabeta / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.