2021, rriten ndjeshëm sigurimet e makinave / Heqja e kufizimit të lëvizjes, u shtua me 15% numri i kontratave
Pas lirimit të masave kufizuese të lëvizjes për shkak të pandemisë, është shënuar një rritje e fortë e kontratave të sigurimit të mjeteve krahasuar me tre muajt e parë të vitit 2020. Sipas të dhënave zyrtare në periudhën janar-mars, pati një rritje prej 13.16% të volumit të primeve të shkruara bruto, si dhe një rritje të numrit të kontratave prej 15.44% krahasuar me periudhën janar-mars 2020.
Kontratat e sigurimit të mjeteve kanë shënuar një rritje të fortë nga janari deri në mars të këtij viti si në numër ashtu edhe në volumin e arkëtuar nga kompanitë. Sipas të dhënave zyrtare të Autoritetit të Mbikqyrjes Financiare, Produkti MTPL e brendshme, siç emërtohet sigurimi I makinave, në periudhën janar-mars, pati një rritje prej 13.16% të volumit të primeve të shkruara bruto. Kjo u shoqërua edhe me një rritje të numrit të kontratave prej 15.44% krahasuar me periudhën janar-mars 2020.
Primet e sigurimit të detyrueshëm motorik, gjatë periudhës janar-mars 2021 arritën rreth 2,2 miliardë lekë lekë, ose 8.36 % më shumë se në periudhën janar-mars 2020. Sipas ekspertëve rritja I detyrohet kryesisht lehtësimit të masave kufizuese të pandemisë, moment që u shfrytëzuar nga qytetarët e bizneset për të siguruar mjetet, pasi bllokimeve që diktonte kufizimi I lëvizjes.
Nga ana tjetër, AMF raporton se Produkti Karton Jeshil në periudhën janar-mars pati një ulje prej 20.38% të volumit të primeve të shkruara bruto. Kjo u shoqërua nga një ulje të numrit të kontratave prej 35.92% krahasuar me periudhën janar-mars 2020.
Në total, Të ardhurat nga primet e shkruara bruto të sigurimit për periudhën janar-mars 2021 kapën vlerën 4 miliardë lekë lekë, ose 12.52% më shumë se në periudhën janar-mars 2020. Gjatë periudhës janar-mars 2021, numri i kontratave të sigurimit të lidhura arriti në 202,944 me një ulje prej 15.61% krahasuar me periudhën janar-mars 2020.
Gjatë periudhës janar-mars 2021, dëmet e paguara bruto në tregun e sigurimeve, arritën në rreth 2,083 milionë lekë, ose 8.27% më pak se në periudhën janar-mars 2020.
Lorenc Rabeta – SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.