21 raste të reja në Tiranë – Të infektuar, personel shëndetësor dhe pacientë në QSUT
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 262 qytetarë ku kanë rezultuar pozitiv 21 raste të reja, duke e çuar në 1050 numrin total të të infektuarve në të gjithë vendin.
Rastet e reja janë të gjitha në Tiranë prej të cilëve 13 raste në QSUT, personel shëndetësor dhe pacient. 9 prej të infektuarve janë pa simptoma dhe 4 pacientë janë shtruar në spitalin infektiv.
Gjatë 24 orëve të fundit janë shëruar 9 pacientë, dhe janë akoma 205 raste aktive.
Aktualisht në dy spitalet Covid janë të shtruar 25 pacientë ku 3 prej tyre janë në terapi intensive, ndërsa rastet e tjera po monitorohen nga mjeku i familjes.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.