230 mijë vende të lira pune-Kompania me numrin më të madh të punonjësve në botë hap garën në shkurt!
Një nga punëdhënësit më të mëdhenj në botë tashmë po kërkon edhe më shumë punonjës.
“Indian Railways(Hekurudhat Indiane), që administron rrjetin hekurudhor të vendit ka tashmë 1.2 milion punonjës në listën e pagave. Por këtë vit, ministri i Hekurudhave Piyush Goyal ka deklaruar se do të rekrutojë edhe 230 mijë të tjerë në dy vitet e ardhshme.
Për momentin, “Indian Railways” ka 131 mijë e 428 vende vakante për të cilat nuk ka një procedurë rekrutimi në vijim, referuar deklaratës së ministrit. Veç kësaj, rreth 99 mijë punonjës aktualë pritet të dalin në pension mes viteve 2019-2021 duke krijuar kështu nevojë për punonjës të rinj.
Në fazën e parë, plani i rekrutimit i parashikuar për në muajt shkurt-mars, hekurudha do të punësojë 131 mijë e 328 punonjës nga të cilat 10 % do t’u rezervohen atyre që vijnë nga kategoritë në nevojë.
Në fakt, në Indi puna në hekurudhë është shumë e lakmueshme për faktin se konsiderohet si një punë e sigurtë, ka paga të qëndrueshme dhe përfitime të tjera, si strehimi. Si rezultat, kërkesa e tejkalon shpesh ofertën. Vitin e kaluar, ku u njoftuan 90 mijë vende të lira pune aplikimet ishin tronditëse, 23 milionë!
Kjo sipas ekspertëve, është shenjë e mungesës shqetësuese të punës së pamjaftueshme në sektorin privat.
Përshtati në shqip: SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.