25 raste të reja të konfirmuara me Covid-19 / Shërohen të gjithë pacientët nga 5 qytete të vendit
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë kryer 252 testime dhe vetëm 25 prej tyre kanë rezultuar pozitiv, duke e çuar në 634 numrin total të të infektuarve në të gjithë vendin.
Në raste e reja kanë rezultuar pozitiv në Krujë 18 raste, Tiranë 3 raste, Elbasan 2 raste, Shkodër 1 rast dhe Kurbin një rast.
Ministria e Shëndetësisë bën me dije se gjatë 24 orëve të fundit ka ndërruar jetë një pacient 71 vjeçar dhe 11 pacient të tjerë i janë shtuar listës së të shëruarve.
Në 5 qytete të vendit të gjithë pacientët e infektuar janë shëruar përfshirë Beratin, Lezhën, Mirditën, Rrogozhinën dhe Tropojën.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.