250 milion lekë për portin e Durrësit – Hapet tenderi për fazën e katërt të projektit ‘Veliera’! Detajet

Bashkia e Durrësit ka shpallur nëpërmjet APP hapjen e tenderit për fillimin e punimeve të fazës së katërt të projektit VELIERA në sheshin publik para hyrjes së portit të Durrësit.

Sipas informacionit të publikuar fondi limit i këtij projekti është 248,179,962.00 Lekë ndërsa data e fundit e aplikimeve në tender është 06-12-2021 Ora 10:00.

Sipas dokumenteve të tenderit projekti ‘Veliera’ është iniciativë e Bashkisë së Durrësit për përmirësimin e hapësirave publike dhe peizazhit urban me qëllim përmirësimin e cilësisë së jetës së qytetarëve  gjithashtu me anë të tij synohen edhe përmirësimi urban, aksesit e lëvizshmërisë në një zonë me fluks kalimtarësh e vizitorësh.

Tre fazat e para të këtij projekti janë realizuar tashmë  dhe domosdoshmëria e nisjes së punimeve për fazën e katërt është e lartë bën me dije Bashkia e Durrës e cila shton se mosrealizimi i kësaj faze cenon punën e kryer deri më tani dhe nuk do të përmbush qëllimin përfundimtar të këtij projekti strategjik.

Sipas njoftimit  kohëzgjatja e kontratës ose afati për zbatimin e saj është 365 ditë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.