29 muaj burg për shtetasin kinez që u deklarua fajtor për vjedhje të sekreteve tregtare të SHBA-së!
Një shtetas kinez është dënuar me 29 muaj burg pasi u deklarua fajtor në janar për komplot për të vjedhur sekrete tregtare nga kompania bujqësore Monsanto për të përfituar nga qeveria kineze, tha të enjten Departamenti i Drejtësisë i SHBA-së.
Xiang Haitao, 44 vjeç, i cili ishte i punësuar nga Monsanto dhe një filial nga 2008 deri në 2017, ishte deklaruar fajtor në gjykatën federale të Misurit për një akuzë të komplotit për të kryer spiunazh ekonomik.
Të enjten, ai u dënua me 29 muaj burg, i ndjekur nga tre vjet lirim të mbikëqyrur dhe një gjobë prej 150,000 dollarë, tha Departamenti i Drejtësisë në një deklaratë.
Zyrtarët federalë gjetën Xiang në posedim të kopjeve të një algoritmi parashikues të zhvilluar nga Monsanto ndërsa ai priste të hipte në një fluturim për në Kinë në qershor 2017, tha Departamenti i Drejtësisë.
Ai u lejua të fluturonte në Kinë, ku punoi për Institutin e Shkencave të Tokës të Akademisë Kineze të Shkencave. Ai u arrestua kur u kthye në Shtetet e Bashkuara në nëntor 2019, shtoi Departamenti i Drejtësisë. RTS
Edel Strazimiri / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.