298.6 mln lekë për menaxhimin e mbetjeve urbane në Berat – Bashkia hap tenderin, ja kur do të kryhet grumbullimi

298.6 milionë lekë javë në dispozicion për menaxhimin e  integruar të mbetjeve të ngurta urbane të Bashkisë Berat për vitin 2019, 2020, 2021, 2022, 2023. Kjo e fundit ka hapur procedurat e prokurimit publik për këtë investim, fondi i të cilit do të ndahet në këtë mënyrë:

• 63.3 milionë në vitin 2019
• 59.8 milionë lekë në vitin 2020
• 58.4 milionë lekë në vitin 2021
• 58.4 milionë lekë në vitin 2022
• 58.4 milionë lekë në vitin 2023

Kështu, në zonën 1, që përfshin qytetin (lagjja 1, 2 dhe 3) shërbimi i grumbullimit të mbetjeve do të ofrohet çdo ditë të javës. Ndërkohë, në zonën 2, që përfshin njësinë administrative Otllak, ky shërbim do të ofrohet 4 ditë në javë (e martë, e mërkurë, e premte dhe e shtunë).

Ndërsa, në zonën 3, njësia administrative Sinje dhe Velabisht është parashikuar që mbetjet të grumbullohet vetëm ditën e hënë dhe të enjte, kurse në njësinë administrative Roshnik dhe fshatin Duhanas shërbimi do të ofrohet të martën dhe të premten.

Oraret e shërbimit janë të njëjta për të gjithë zonat, duke nisur nga ora 20:00 e mbrëmjes deri në orën 06:00 të mëngjesit, me qëllim shmangien e trafikut.

G.D/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.