3/4 e kantinave të verërave në 6 rajone – Sfidat e sektorit, nga aksesi në treg tek paragjykimet për cilësinë

Në vend prodhohen mesatarisht 918 ton verë në vit nga kantinat shqiptare.   Industria e përpunimit të verës është e përqendruar kryesisht në disa rajone, konkretisht në Durrës, Berat, Elbasan, Vlorë, Tiranë dhe Shkodër. Sipas studimit të bërë nga Ministria e Bujqësisë dhe GIZ, këto gjashtë qytete përbëjnë afërsisht ¾ e kantinave të verës.

Në studim thuhet se përqendrimi i kantinave të verës i kombinuar me kategorinë e verës së prodhuar (përsa i përket cilësisë) jep indikacione  se grupet potenciale të verërave në Berat (në ditët e sotme lider në rajon në verërat cilësore), Durrës, Vlorë, Tiranë dhe Elbasan që, pavarësisht në nivel informal dhe fillestar, mund të orientojnë politikat përkatëse.  Por cilat janë sfidat kryesore që kanë prodhuesit vendas? Sipas dokumentit, sfidat kryesore në nivelin e përpunimit  lidhen me shfrytëzimin e dobët të kapaciteteve për shkak të aksesit të vështirë në treg.

Arsyet e rëndësishme të raportuara për aksesin e vështirë në treg janë paragjykimi ndaj cilësisë së verës shqiptare, struktura e kostos, konkurrenca e pandershme nga kantinat vendase informale dhe nga verërat e importuara. Po ashtu vështirësia për të siguruar rrush të cilësisë së lartë nga fermerët (kultivarë të papërshtatshëm dhe rrush me cilësi të ulët/me përmbajtje të ulët sheqeri); Mungesa e kapacitetit të prodhimit të verës ose e kapacitetit të prodhimit të rrushit; Ekspertizë e dobët teknologjike në kantina joformale dhe të vogla.

Nga ana tjetër, në studim thuhet se  pavarësisht disa interesave të shfaqura nga kantinat e verës që prodhojnë verë të cilësisë së mesme deri në të lartë, nuk ka asnjë kantinë që merr pjesë në skemat e cilësisë së BE-së (PDO, PGI). Po ashtu,  marketingu i dobët – raporti i pafavorshëm çmim/cilësi i verërave cilësore, pamundësia financiare për të investuar, kryesisht në kantina të vogla janë disa sfida të këtij sektori.

Elisabeta Dosku / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.