3 gabime në fillimet e një biznesi, të cilat duhet t’i shmangni menjëherë

Mënyra se si e ndërtoni biznesin tuaj që në fillim, ka një ndikim të përhershëm në mënyrën sesi biznesi juaj do të rritet në të ardhmen. Kjo do të ndihet së tepërmi gjatë vitit të katërt, të pestë, dhe të gjashtë, ku do të duhet të përballeni me çështje që rrënjët i kanë në vendimet që keni bërë atë ditë.

Pra, nuk është çudi se kur një sipërmarrës fillon një biznes të dytë apo të tretë, ato zbatojnë mësimet të cilët i kanë marrë nga eksperienca e fillimit.

Gjatë shpjegimit të këtyre eksperiencave, sipërmarrësit kanë bërë të qartë se janë 3 gabime themelore, të cilat zakonisht bëhen që në fazat e hershme të biznesit.

Ja 3 gabimet që mund t’i shmangni menjëherë për të filluar biznesin tuaj:

1. Të mos mbash shënime

Nuk ka asnjë dyshim se të fillosh një biznes të ri është një punë e vështirë. Ka orë të gjata pune dhe detyra rraskapitëse mendërisht. Nuk është çudi që shumë themelues shtyjnë mbajtjen dhe monitorimin financiar dhe buxhetor të biznesit për shkak të pamundësisë kohore. Ky është gabimi i parë që këta sipërmarrës bëjnë.

Kontabiliteti mund të jetë i vështirë për t’u mësuar. Shumica e sipërmarrësve të rinj mendojnë për buxhetin e tyre, por konceptet e kontabilitetit përfshijnë lojëra fjalësh në lidhje me sistemin me dy hyrje ose me bazë të parave të gatshme, kundrejt kontabilitetit aktual. Pra është e rëndësishme që të merrni kohë mjaftueshëm në fillimin e nisjes së biznesit për të mbajtur të dhëna të hollësishme financiare. Për këtë arsye, çdo biznes duhet të punësojë një ekonomist me kohë të plotë apo të pjesshme, në mënyrë që të mbaj të rregullta dhe të paguajë çdo detyrim financiar dhe ligjor të kompanisë.

2. Zgjedhja e një partneri biznesi për komoditet

Elon Musk shprehet për një konferencë të bizneseve në New York se krijimi i një kompanie është një gjë shumë e vështirë.  Nisja e një biznesi mund të jetë tepër e frikshme, kështu që shumë sipërmarrës mund të marrin një partner biznesi thjesht për faktin se nuk kanë forcën financiare. Por duke marrë një partner thjesht për komoditet është një arsye e keqe për të shtuar një partner biznesi. Disa nga këto të arsye kanë të bëjnë me faktin se nëse keni një partner biznesi, ju duhet të ndani të njëjtën vizion për kompaninë, të përcaktoni mjaft mirë rolet që duhet të mbulojë secila palë, dhe të keni të njëjtin përkushtim. Nëse një nga këto ekuilibra prishen, atëherë dhe bashkëpunimi do të prishet, duke sjell falimentim të marrëdhënies suaj me partnerin e biznesit dhe ndoshta falimentim të vetë biznesit.

3. Duke rënë në dashuri me një ide

Nisja e një biznesi mund të jetë si një fushatë politike, duke përshtatur detyrat bazuar në strategji dhe emocione.  Për fat të keq, shumë nga themeluesit duhet të heqin dorë nga idetë e tyre të mira, sepse ata i kushtojnë më shumë vëmendje idesë, dhe shumë pak vëmendje se si ata  duhet të bëjnë realitet këtë ide. Mëso të duash ekzekutimin e një ideje. Bëhuni të fiksuar në matjen e rezultateve tuaja në mënyrë që të përpunoni strategjinë tuaj të ekzekutimit.

Ada Xhagolli/SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.