3 hapa si të negocioni një pagë të kënaqshme
Ajo që shumica e njerëzve gabojnë është kur negociojnë një rrogë fillestare. Kjo ndodh sepse dështojnë të bëjnë të qartë gjatë procesit të intervistës se ata e dinë vlerën e tyre dhe po kërkojnë të krijojnë një partneritet biznes-biznes.
Ju nuk dëshironi të punoni “për” punëdhënësit, ju dëshironi të punoni me atë dhe kjo do të thotë të ndihmoni kompaninë të shikojë vlerën që mund të sillni ju në kompani.
Në momentin që një punëdhënësi i duheni vërtet në punë, ju keni fuqinë për të negociuar për pagën që dëshironi apo mendoni se është më e përshtatshme për ju.
Për ta bërë këtë të ndodhë ju duhet të ndiqni hapat e mëposhtëm:
- Vlerësoni problemin e punëdhënësit
Përpara se të përcaktoni një shifër të drejtë për shërbimet tuaja ju duhet të shkoni në intervistë dhe të vlerësoni çështjet e kompanisë.
Bizneset më të njohura janë të afta të bëjnë një intervistë të njëanshme ku punëdhënësi pyet dhe ju kryqëzoni gishtat me idenë se i jeni përgjigjur mirë.
Shumica e njerëzve e kuptojnë intervistën në mënyrë të gabuar, sidomos punëtorët e kalitur të cilët shpesh e bëjnë intervistën gabim. Dukë bërë pyetje në lidhje me kompaninë dhe punën që ju do të bëni ju do të tërhiqni menaxherin e punësimit.
- Ofroni një gamë pagash dhe shpjegoni pse
Në kundërshtim me disa këshilla të cilat thonë se nuk duhet ta tregoni pagën tuaja mënyra më e mirë dhe më e shpejtë për të arritur në pagën që dëshironi është t’i shpjegoni punëdhënësit se pse ju duhet të paguheni sa dëshironi dhe se pagat tuaja të mëparshme kanë qenë të një niveli të caktuar
- Negocioni me faktet
Kur më në fund merrni ofertën, merrni pak kohë për ta rishikuar me kujdes. Nëse mendoni se meritoni më shumë filloni të mendoni, pse duhet të merrni një pagë më të lartë? Çfarë nevojash do të plotësoni nëse merrni pagën që dëshironi?
Më pas kërkoni të takoni menaxherin e punësimit personalisht dhe deklaroni rastin tuaj. Është e rëndësishme të jeni të qartë si ju ashtu edhe pala tjetër për marrëveshjen që po negocioni.
Por nëse nuk arrini të negocioni një pagë më të mirë mos u tërhiqni plotësisht. Përpiquni të negocioni ndoshta për një ditë më shumë pushim apo diçka në tjetër e cila është në favorin tuaj.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.