“3 kompanitë e OSHEE s’janë ndarë financiarisht” – Kuvendi, ERE-s: Shtyni këtë proces, përpjekje edhe për funksionimin e bursës së energjisë
Pavarësisht se Operatori i Shpërndarjes së Energjisë Elektrike ka kryer ndarjen ligjore në 3 kompani, aktiviteti i tyre ende nuk është kapitalizuar veç e veç”. Shqetësimi u ngrit gjatë diskutimit të projektrezolutës 2021 për Entin Rregullator të Energjisë në Komisionit parlamentar të Veprimtarive Prodhuese dhe për këtë arsye u kërkua nga ERE të intensifikojë përpjekjet për të shtyrë më tej këtë proces.
Gjithashtu, Kuvendi kërkon që gjatë këtij viti ERE duhet të punojë në drejtim të njohjes së platformës ndërkombëtare, që do të bënte funksionale bursën e energjisë.
Rezoluta e Kuvendit parashikon edhe një sërë kërkesash në drejtim të mbrojtjes së konsumatorit, të cilët duhet të marrin zgjidhje nga kompanitë për problemet që ata kanë në drejtim të furnizimit me energji elektrike.
Ola Mitre / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.