3046 pronarë tërheqin dosjet në ATP – Raporti janar-gusht 2020: Rreth 7 mijë pronarë pa përgjigje mund t’u drejtohen gjykatave

Për periudhën janar-gusht të këtij viti 3046 pronarë kanë tërhequr dosjet në ATP, pasi nuk kanë marrë përgjigje për kthim kompensim nga kjo e fundit. Scan Televizion ka zbardhur raportin për tetëmujorin të Agjencisë së Trajtimit të Pronave, sipas të cilës për këtë periudhë 3568 pronarë kanë aplikuar për të tërhequr dosjet pa përgjigje, për të vijuar më tej në rrugë gjyqësore pretendimet për kthim kompensim të pronave.

Numri total I dosjeve pa përgjigje nga Agjencia e Trajtimit të Pronave është 6,950. Vetë Është vetë Agjencia ajo që parashikon që këta pronarë t’i drejtohen gjykatave në vijim pasi kërkesat e tyre nuk kanë marrë përgjigje prej saj.

Dhe duke ju referuar përsëri të dhënave të ATP, 8 mujori I këtij viti ka shënuar një rritje të dukshme të padive ndaj saj, aq sa shpesh e ka të pamundur t’I ndjekë nëpër gjykata përmes zyrës juridike.

Ne 8 -mujorin  e vitit 2020 nga ana e Sek.Perfaqesimit Ligjor jane ndjekur 177 çështje te cilat jane regjistruar prane ATP-se gjate kesaj periudhe ne Gjykatat e  Tiranes, ku perfshihen Gjykata e Shkalles se Pare Tirane, Gjykata e Apelit Tirane, Gjykata Administrative e Shkalles se Pare Tirane dhe Gjykata Administrative e Aplelit, raporton Agjencia e Trajtimit të Pronave. Ne Gjykaten e Shalles se Pare dhe te Apelit Tirane jane ndjekur ceshtje qe kane te bejen me njohjen e te drejtes se pronesise ndersa ne gjykatat administrative jane djekur ceshtje qe kane si objekt vleresimin e prones se njohur per kompensim me vendim administrative apo gjyqesor.

“Gjithashtu gjate 8 -mujorin e vitit 2020  ne kete sektor janë administruar 598  padi nga te gjitha gjykatat e vendit ku përfaqësuesit e ATP-se pavarësisht se nuk kane marre pjese fizikisht kane kryer procedurat ne mënyrë shkresore përfshirë ankimet dhe rekurset ku ka qene e nevojshme”, shkruhet në raportimin e Agjencisë së Trajtimit të Pronave drejtuar Ministrisë së Drejtësisë.

Ndërkaq, një numër shumë i madh padish të ngritura nga pronarët presin prej vitesh nëpër gjykata, veçanërisht në atë të Lartën. Ndërkohë që sipas parashikimeve, paditë do të vijojnë për shkak të shifrave shumë të larta që pretendojnë pronarët nga shteti. Vetëm Agjencia e Trajtimit të Pronave ka vlerësuar se se fatura financiare për kompensimin e pronarëve arrin në 101 miliardë lekë, afërisht 1 miliardë dollar, ndërkohë që shoqatat e pronarëve pretendojnë një vlerë rreth 4 herë më të madhe.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.