310 mijë dollarë dëmshpërblim për Romët nga Gjykata e Lartë – Shkak racizmi i përsëritur ndër vite nga kryeministri Orban!
Një shkollë hungareze ka ndarë në mënyrë të paligjshme studentët e minoritetit romë për vite me radhë, tha gjykata e lartë e vendit në një vendim të formës së prerë të martën, duke u dhënë 310,000 dollarë si kompensim për familjet e fëmijëve.
Kryeministri nacionalist Viktor Orban, i cili është në kundërshtim me Bashkimin Europian për erozionin e tij të perceptimit të sundimit të ligjit, la të kuptojë në janar se shteti duhet të mos i bindet çdo urdhri gjyqësor për të paguar kompensime romëve dhe në vend të kësaj të sigurojë trajnime.
Nuk kishte asnjë koment të menjëhershëm nga qeveria e Orban për vendimin e së hënës nga Kuria (Gjykata Supreme) në çështjen që përfshinte një shkollë fillore në Gyongyospata, një qytet që ka qenë një pikë e rëndësishme e tensioneve etnike në të kaluarën.
“Forumi suprem ligjor konfirmoi … një vendim (të mëparshëm) i cili urdhëroi një pagese prej 310 mijë dollarë dëmshpërblimesh,” tha Kuria në një deklaratë. “Studentët nga pakica etnike rome u ndanë në mënyrë të paligjshme dhe ju dha një arsimim nën nivelit standard.”
Analistët thonë se Orban ka intensifikuar retorikën e tij anti-rome dhe nuk ka pasur shumë për të humbur politikisht nga injorimi i gjendjes së një pakice që me shekuj është përballur me paragjykime dhe diskriminime në Hungari dhe gjetkë në Europën Lindore.
Romët në Hungari jetojnë në varfëri joproporcionale, vuajnë nga paragjykimet në shkolla dhe vendet e punës dhe i janë nënshtruar frikës dhe herë pas here dhunës vdekjeprurëse nga e djathta, thonë aktivistët e të drejtave të njeriut.
Orban përdori konferencën e tij të parë të madhe për shtyp këtë vit për të polemizuar dëmshpërblimin për 60 romët e Gyongyospata dhe familjeve të tyre nga një gjykatë më e ulët.
Ai tha se Romët kishin krijuar një mjedis të padrejtë dhe kërcënues në shkollë dhe shumica e prindërve hungarezë kishin filluar të conin fëmijët e tyre në një shkollë në një qytet fqinj. “Ata ndjehen sikur janë në një mjedis armiqësor në atdheun e tyre … Në asnjë mënyrë “, u tha Orban gazetarëve.
Në përgjigje të denoncimit të tij për shpërblimin e dëmeve, më shumë se 2,000 hungarezë përfshirë familjet rome marshuan në protestë në parlament në shkurt me parulla që thoshin “askush nuk është mbi ligjin” dhe “e ardhmja nuk mund të ndërtohet me urrejtje”.
Muajin e kaluar, udhëheqësit romë thanë se pandemia e koronavirusit përbën një kërcënim të rëndë për statusin tashmë të pasigurt të komunitetit të tyre, me shumë romë që ndjehen të braktisur nga qeveria e Orban.
Orban nisi një plan të madh stimulimi financiar për të zbutur goditjen ekonomike nga koronavirusi, duke u përqendruar në forcimin e investimeve dhe punësimit, por duke anashkaluar shumë të varfrit – shpesh romë që zakonisht punojnë në punë ditore rastësore pa siguri dhe kanë pak akses në kujdesin standard mjekësor.(Reuters)
E . S / SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.