311 të infektuar me Covid-19, MSH: “U kryen 1378 testime dhe u shëruan 85 qytetarë”
Shifra të reja rekord janë regjistruar gjatë 24-orëve të fundit me Covid-19, ndërsa kanë humbur jetën 6 persona. Sipas Ministrisë së Shëndetësisë, janë kryer 1378 testime dhe kanë rezultuar pozitivë me koronavirus 311 qytetarë. Gjithashtu, gjatë 24-orëve të fundit janë shëruar 85 qytetarë, duke e çuar në 10,893 numrin e të shëruarve në vend, që prej fillimit të epidemisë. Në kryeqytet vihet re një rënie e lehtë e rasteve të reja, me 100 të prekur në 24 orët e fundit, ndërsa 66 të infektuar janë regjistruar në Fier dhe 32 në Durrës.
Në spitalin Infektiv dhe në spitalin “Shefqet Ndroqi” po trajtohen 289 pacientë, 11 në terapi intensive nga të cilët 5 janë të intubuar. Ministria e Shëndetësisë dhe Mbrojtjes Sociale apelon qytetarët për të mbajtur detyrimisht maskën edhe në ambientet e hapura, në mënyrë që të minimizohet përhapja e infeksionit.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.