33 raste të reja me Covid – Rritet numri i të shëruarve gjatë 24 orëve të fundit
Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 239 qytetarë ku kanë rezultuar pozitiv 33 raste të reja, duke e çuar në 1995 numrin total të të infektuarve në të gjithë vendin.
Rastet e reja janë përkatësisht: 23 raste në Tiranë, 8 raste në Shkodër, 1 rast në Kamëz dhe 1 rast në Pogradec.
Aktualisht në dy spitalet Covid janë të shtruar 82 pacientë ku 10 prej tyre janë në terapi intensive dhe 1 pacientë është në intubim, ndërsa rastet e tjera po monitorohen nga mjeku i familjes.
Gjatë 24 orëve të fundit janë shëruar 25 pacientë, duke e çuar në 1159 numrin total të tyre dhe ka akoma 792 raste aktive.
Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.
SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.