38 Projektligjet pezull në parlament – Më të “nxehtat” Amnistia Fiskale, Kodi Zgjedhor, pasuria dhe integriteti i Deputetëve

Ndërsa kaloi një sesion mjaft të ngjeshur me disa ndryshime shumë të rëndësishme në Kushtetutë apo në Kodin Zgjedhor, duket se I njëjti volum I ngjeshur pune I pret parlamentarët shqiptarë edhe me rikthimin nga pushimet e gushtit. Në pritje janë plot 38 projektligje, disa prej të cilëve presin edhe prej katër vitesh në sirtarët e Kuvendit, siç është “PROJEKTLIGJ “PËR KRIJIMIN E INSTITUTIT TË STUDIMEVE PËR KUJTESËN E LUFTËS SË DYTË BOTËRORE”, I cili” pret që nga viti 2016, Projektligji “PËR GJUETINË”, në pritje që nga 2017-ta, apo ai “PËR CENSIN E POPULLSISË DHE TË BANESAVE”, në pritje që prej vitit 2018.

Sa I përket taksave e tatimeve, më të rëndësishmit janë PROJEKTLIGJ “PËR REGJIMIN FISKAL NË SEKTORIN HIDROKARBUR” dhe PROJEKTLIGJ “PËR NJË SHTESË NË LIGJIN NR.92/2014 “PËR TATIMIN MBI VLERËN E SHTUAR” TË NDRYSHUAR.

Duhet parë ndërkaq nëse Kuvendi do të marrë në shqyrtim propozimin e ardhur nga disa deputetë të opozitës së re parlamentare të cilët kërkojnë përfshirjen e ditës së mbajtjes së Kongresit të Lushnjës te lista e festave zyrtare, propozim që mund të sjellë edhe një ndryshim rrënjësor në ligjin për festat zyrtare.

Në fushën e rendit e sigurisë, me shumë gjasa do të kenë prioritet PROJEKTLIGJ “PËR DISA SHTESA DHE NDRYSHIME NË LIGJIN “PËR POLICINË E SHTETIT””, si dhe disa drafti për disa amendime në “KODIN PENAL I REPUBLIKËS SË SHQIPËRISË”.

Por, ndërsa draftet në procedurë shtrihen në thuajse çdo aspect të jetës ekonomike e sociale të vendit, nga pagat e pensionet, te tatimet e taksat, mbrojtja e mjedisit, apo te ndryshimet në datat e numrin e festive zyrtare, mund të parashikohet lehtë cilët do të kenë përparësi dhe do të konsumojnë më së shumti energjitë e Kuvendit pas rinisjes së punës. Të parët në radhë duhet të vendosen draftet që ndryshojnë Kodin Zgjedhor, në vijim të ndryshimeve Kushtetuese të ndërmarra më datë 30 korrik, në seancën e fundit parlamentara përpara pushimeve të gushtit. Por shumë energji e polemika pritet të konsumojë edhe “PROJEKTLIGJ “PËR AMNISTINË FISKALE DHE PENALE PËR SUBJEKTET QË BËJNË DEKLARIM VULLNETAR TË PASURIVE”, I cili u tërhoq në momentin e fundit nga mazhoranca pas presioneve ndërkombëtare si dhe grupeve të interest. Vetë partia socialiste bëri me dije se nuk ka hequr dorë nga drafti për Aministinë fiskale, por se ka marrë kohë për më shumë konsultime, veçanërisht me faktorin ndërkombëtar.

Projektligj që pritet të diskutohet gjatë në sallat e Kuvendit është edhe ai “PËR DISA NDRYSHIME NË LIGJIN NR. 8550, DATË 18.11.1999, “STATUSI I DEPUTETIT”, I cili gjithashtu mund t’I nënshtrohet amendimeve të reja duke parë ndryshimet Kushtetuese dhe në Kodin Zgjedhor që u miratuan më 30 korrik.

Lorenc Rabeta / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.