4 raste të reja me COVID në Shqipëri! Bino zbardh strategjinë: Po përpiqemi të shkëpusim zinxhirin e infeksionit! Sanatoriumi vihet në funksion
Ka shkuar në 55 numri i rasteve të konfirmuara pozitivë me COVID-19. Nga dita e djeshme janë 4 raste të reja. Shifra u bë e ditur nga përfaqësuesja e ISHP-së Silva Bino.
Nga rastet e konfirmuara
Tirana 38 raste
Fieri 6 raste
Durrësi 5 raste
Lushnja 2 raste
Elbasani 2 raste
Rrogozhina 2 raste
Të gjitha rastet kanë pasur kontaktet e tyre që janë gjurmuar dhe vetëizoluar dhe vetëkarantinuar.
Në Spitalin Infektiv janë shtruar 25 raste që paraqiten nga qytete mësipër dhe vetëm 3 raste janë në kujdes intensive e kanë nevojë për kujdes me të specializuar reanimator.
Duke qenë se pak ditë më parë ka rezultuar një rast infektimi në spitalin ‘Shëfqet Ndroqi’ në Tiranë, nga analizat janë identifikuar edhe dy raste të tjera të infektimit të stafit mjekësorë, duke e çuar në total 8 numrin e mjekëve dhe infermierëve të prekur. Për momentin stafi mjekësor është asimptomatik.
Ndërkohë, spitali ‘Shefqet Ndroqi’ apo Sanatoriumi do të kthehet në një spital në funksion të përballjes me pasojat e COVID-19.
Nga ana tjetër, Bino shpjegoi se lufta e personelit shëndetësor shqiptar me virusin është përqëndruar në ndërprerjen e zinxhirit të infeksionit duke gjurmuar çdo rast, “duke evidentuar rastet e duke u përpjekur të shkëpusin kontaktet më të tjerë”.
SCAN
🔴MINISTRIA E SHËNDETËSISË DHE MBROJTJES SOCIALE – Përditësimi i situatës së COVID-19 Instituti i Shëndetit Publik
Posted by Edi Rama on Tuesday, March 17, 2020
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.