4 rregulla për mënyrën e jetesës që ndikojnë në produktivitetin e sipërmarrësve
Të jesh sipërmarrës është një punë shumë stresuese. E gjithë barra fizike, financiare dhe mendore qëndron tek ju. Kjo mund të dëmtojë shëndetin tuaj, dhe pavarësisht rrezikut ndaj shëndetit, ju ende vazhdoni të punoni shumë.
Por në këtë pikë, të gjithë udhëheqësit e zgjuar dhe të suksesshëm bëjnë diçka ndryshe. Po, ata të gjithë kanë gjëra tjera të zakonshme përveç parave të shumta. Ata të gjithë i dedikohen disa aktiviteteve të shëndetshme të cilat sigurojnë se ata do të punojnë shumë por pa u shkatërruar.
Fatmirësisht, këto aktivitete janë shumë të lehta për rutinën tuaj ditore. Por ju duhet t’i bëni pjesë të rutinës suaj.
Ata hanë mëngjes
Mëngjesi është vakti më i rëndësishëm i ditës. Ju nuk hani kur flini. Për këtë shkak nëse nuk hani mëngjes, ju i hiqni trupit lëndët ushqyese dhe energjinë të cilat iu ndihmojnë të kaloni ditën. Sipërmarrësit e zgjuar e kuptojnë këtë dhe për shkak të kësaj, ata hanë mëngjes.
Ata nuk konsumojnë shumë ushqime të ngrira
Nëse punoni nga shtëpia dhe nuk keni prirje për gatim, ju me siguri i shihni ushqimet e ngrira si alternativën më të mirë. Por ushqimet e ngrira kanë përbërës të cilët nuk duhet t’i konsumoni rregullisht. Edhe pse kjo nuk do të thotë që një drekë e ngrirë do t’ju vrasë ajo definitivisht ju dëmton si shëndetin ashtu edhe produktivitetin tuaj.
Ata e dinë se gjumi është vital për suksesin
Të gjithë sipërmarrësit kalojnë nëpër netë të vona dhe mëngjese të hershme kohë pas kohe, për shkak se duhet të përfundojnë detyrat e tyre. Mirëpo, sipërmarrësit e zgjuar janë të vetëdijshëm për faktin se gjumi është i rëndësishëm për suksesin e tyre. Pavarësisht nëse jeni një buf nate apo zgjoheni herët, ju duhet të gjeni një rutinë gjumi e cila ju përputhet dhe të qëndroni gjatë në zyrë. Fundjavat mund të kalohen në një mënyrë tjetër.
Ata mësojnë diçka të re çdo ditë.
Sipërmarrësit e shëndetshëm janë ëndërrimtarë gjatë jetës së tyre. Ata punojnë shumë, luajnë shumë dhe mendojnë edhe më shumë. Ata dëgjojnë libra me audio, iu pëlqen të lexojnë dhe absorbojnë shumë dituri. Jo vetëm që i mësojnë vetes tema të cilat rrisin bizneset e tyre, por gjithashtu mësojnë se çfarë duhet për të qenë të shëndetshëm. Kjo sepse ata e dinë se mënyra e jetesës ka ndikim të drejtpërdrejtë në performancën e tyre në biznes.
Në fund të fundit, nuk është e rëndësishme vetëm të jeni produktiv por të keni një shëndet të mirë që të shijoni shpërblimin e punës tuaj të rëndë. Këto mënyra jetese do ju ndihmojnë të qëndroni të shëndetshëm dhe produktiv.
Burimi: Entrepreneur
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.