44.5 mijë euro të fshehura në gomën e makinës – Policia procedon penalisht 1 shtetas në Kakavijë

Shërbimet e Policisë Kufitare në Kakavijë, si rezultat i shtimit të kontrolleve me qëllim parandalimin dhe goditjen e paligjshmërisë, njoftojnë se në dalje të RSH-së, kanë kaluar për kontroll në të detajuar në vijën e dytë, automjetin tip “Hunday” me drejtues shtetasin A. N., 41 vjeç, banues në fshatin Moravë, Berat ku gjetën të fshehura në  gomën rezervë, 44. 500 euro, të cilat ky shtetas nuk i kishte deklaruar të cilat u sekuestruan në cilësinë e provës materiale.

Sipas njoftimit në përfundim të veprimeve të para të kryera nga specialistët e Seksionit për Hetimin e Krimit Ekonomik e Financiar në DVP Gjirokastër, drejtuesi i automjetit shtetasi A. N. u procedua penalisht për veprat penale “Mosdeklarimi i të hollave dhe sendeve me vlerë në kufi” dhe “Pastrim i produkteve të veprës penale ose veprimtarisë kriminale”.

E . S / SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.