47 shërbime elektronike në Tiranë – Ekioska, Veliaj: Reduktojmë korrupsionin dhe radhëpritjet
Përmes 10 kioskave elektronike të shpërndara në të gjithë Tiranën, qytetarët mund të marrin plot 47 shërbime, vetëm duke përdorur kartën e identitetit, duke shmangur kështu radhët nëpër sportelet e bashkisë. Kryebashkiaku Erion Veliaj, në fjalën e tij gjatë mbledhjes së radhës të Këshillit bashkiak të Tiranës, theksoi se lista e shërbimeve do të zgjerohet, dhe synim kryesor është reduktimi i korrupsionit.
Veliaj u ndal edhe tek shifrat e turizmit gjatë 4 mujorit të parë të këtij viti, ku bëri me dije se kryeqytetin e kanë vizituar 300 mijë turistë, ndërsa ambicia është shumë më e madhe.
Këshilli Bashkiak ka diskutuar 12 vendime të parashikuara në rendin e ditës, ndërkohë që këshilltarët e djathtë kanë braktisur mbledhjen që në nisje të saj.
Elisabeta Dosku/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.