5 arsye pse klienti nuk ka gjithmonë të drejtë

Besoj se të gjithë keni dëgjuar për shprehjen klienti ka gjithmonë të drejtë. Kjo shprehje është shpikur fillimisht nga Harry Gordon Selfridge, themeluesi i supermarketeve Selfridge në Londër, më vitin 1909,  është përdorur më pas gjerësisht nga bizneset për të bindur konsumatorët e tyre se do të merrnin shërbimin më të mirë, e gjithashtu për të bindur punonjësit që t’u japin klientëve gjithmonë shërbimin më të mirë. Por më poshtë do të gjeni 5 arsye pse shprehja klienti ka gjithmonë të drejtë është e gabuar.

1. Punonjësit shfaqin pakënaqësinë

Gordon Bethune është i njohur për transformimin e linjës “Continental Airlines” nga linja më e dobët në linjën më të mirë. Ai e hodhi poshtë parimin “Klienti ka gjithmonë të drejtë” pasi dëshironte që edhe punonjësit edhe konsumatorët të mbeteshin të kënaqur. Ai u shpreh se midis klientëve të padisiplinuar dhe punonjësve të tij do të përkrahte gjithmonë punonjësit pasi konsumatorët nuk  mund të abuzojnë vetëm pse blejnë një biletë. Punonjësit nuk duhen trajtuar si skllevër por duhen vlerësuar. Kjo është dhe arsyeja pse klienti nuk mund të ketë gjithmonë të drejtë.

2. U jep klientëve të bezdisur një avantazh

Duke u bazuar në sloganin “Klienti ka gjithmonë të drejtë”, konsumatorët e bezdisur mund të kërkojnë çdo gjë, e në këtë mënyrë është shumë e vështirë t’u shpjegosh se klienti ka gjithmonë të drejtë por gjithmonë Brenda normave. Për më tepër nuk është e drejtë që disa konsumatorë të marrin kushte më të mira se disa të tjerë.

3. Disa konsumatorë kanë ndikim të keq për biznesin

Filozofia e pjesës më të madhe të bizneseve ngrihet mbi parimin e shtimit të konsumatorëve, por disa konsumatorë janë thjesht të dëmshëm për biznesin. Psh, një nga teknikët e shërbimit të “Service Gruppen” u trajtua në mënyrë shumë të vrazhdë nga një klient, e në momentin që ia tregoi këtë histori menaxherit të tij, ata e anuluan kontratën me këtë klient. Në këtë moment nuk bëhet më fjalë për çështje financiare, por është thjesht çështje dinjiteti dhe respekti në trajtimin e punonjësve të tyre.

4. Disa konsumatorë janë thjesht gabim

Konsumatori ndonjëherë është gabim, e nëse ecet me parimin se konsumatori ka gjithmonë të drejtë, aty ndodh tradhëtia më e madhe që shefat u bëjnë punonjësve të tyre. Nëse konsumatori është gabim ne përpiqemi të sqarojmë, e nëse ata vazhdojnë të abuzojnë me punonjësit e kompanisë, ne nuk e mbajmë atë lloj konsumatori.

5. Rezulton në shërbim të keq ndaj klientëve

Agjensia e udhëtimit “Rosenbluth International” korri shumë sukses pasi u ble nga American Express. CEO I saj Hal Rosenbluth shkroi një libër për qasjen e kompanisë ku thoshte “Vendosni konsumatorin të dytin, e njerëzit tuaj të parët e më pas shikoni sjelljen e tyre. Ai argumenton se në momentin që ju vendosni punonjësit tuaj të parët, e ata do të jenë të lumtur në punë. Nëse punonjësit tuaj janë të lumtur në punë atëherë ata do të vendosin konsumatorët të parët.

V.Hydi/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.