5 ide për të bërë dhurata të veçanta për shefin tuaj me pak buxhet! (FOTOT)

Zgjedhja e një dhurate për shefin tuaj mund të jetë e ndërlikuar, veçanërisht nëse keni një buxhet të limituar. Ajo që duhet të keni parasysh është fakti se duhet të zgjidhni një dhuratë me çmime të arsyeshme por që njëkohësisht të jetë e veçantë dhe e personalizuar. Prandaj nisur nga kjo çështje, eksperti i karrierës, Vicki Salemi thotë se është më mirë të mos bësh përsëritje kur zgjedh një dhuratë për një shef apo një koleg. Më poshtë, CNBC Make It,  krijoi një listë me tetë dhurata miqësore me buxhetin që janë perfekte për çdo shef. Secila prej këtyre dhuratave është e përballueshme, duke kushtuar jo shumë para.

1. Mbajtës i personalizuar i kartës së biznesit

Padyshim që çdo shef disponon një kartëvizitë e cila e ndihmon atë për të shpërndarë më thjesht dhe saktë kontaktet e tij. Ajo që ju mund të bëni në këtë rast, është t’i dhuroni një mbajtëse të kartëvizitave që është e përsosur për tryezën e tyre. Mos ngurroni të shtoni gjithashtu një kontakt personal në këtë artikull duke marrë emrin e shefit tuaj dhe të titullit të gdhendur në fund.

2. Një filxhan kafeje

Në pamje të parë mund të duket një ide e thjeshtë, por nëse vendosni fantazinë në punë, kjo mund të shndërrohet në një super dhuratë. Gjithçka mund të bëni, është të gdhendni aftësitë e shefit tuaj në gotë në shenjë vlerësimi.

3. Jastëk mbështetës i pjesës së pasme të mesit

Karriget në tavolinë mund të jenë të pakëndshme dhe të tmerrshme për mbështetjen e shpinës. Për të siguruar që shefi juaj të mbajë një qëndrim korrekt dhe sa më të shëndetshëm, dhurojini atyre një jastëk mbështetës për kurrizin, duke iu ofruar sa më shumë komoditet.

4. Mbajtës të personalizuar për mausin

Në një tavolinë pune në zyrë, asnjëherë nuk mungon një kompjuter por rrjedhimisht dhe mausi së bashku me të. Nisur nga kjo, mausi është pajisja që përdoret më shpesh dhe është më shumë në kontakt me syrin. Prandaj, ju sugjerojmë një mbajtës të personalizuar për mausin, duke vendosur emrin dhe mbiemrin e shefit tuaj në fund. Në këtë formë, ata do ju kujtojnë sa herë që e përdorin atë.

5. ‘Organizator’ për tavolinën e punës

Ndihmoni shefin tuaj të organizojë gjërat e tyre personale duke i dhuruar një organizator druri, për tavolinën e zyrës, që mund të mbajë telefonin, syzet, çelësat, portofolin dhe çdo gjë tjetër që krijon rrëmujë. Ju gjithashtu mund të shtoni në dhuratën tuaj, një dedikim për shefin tuaj, duke shtuar një tekst të gdhendur ”Për shefin më të mirë”.

Elefteria Zguri/ SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.