5 manovrat më të zakonshme që punëdhënësit bëjnë për t’ju paguar sa më pak
Të gjithë ata që janë në kërkim të një pune e dinë fare mirë se punëdhënësit përpiqen ta bëjnë gjithmonë punën më atraktive nga sa është në të vërtetë.
Në fakt punëdhënësit përdorin marifete nga më të ndryshmet por këto më poshtë janë më të përdorshmet.
- Rroga
Kur vjen dita e pagave ju shikoni se paga juaj nuk është ajo që iu është komunikuar dhe kjo është një nga trikët më të vjetra ku punëdhënësit ju flasin për rrogën bruto dhe jo për atë që do të merrni në dorë. Nëse nuk pyesni specifikisht për rrogën neto do të habiteni ditën e marrjes së rrogës.
- Rritja në karrierë
Rritja në karrierë është një nga premtimet që punëdhënësit përdorin më së shumti por në fakt më pas ndodh të vëreni se sado që po punoni nuk po rriteni në karrierë. Sapo të filloni punë e të miqësoheni me kolegët tuaj filloni të pyesni pak më shumë për mënyrën se si funksionin ngritja në karrierë.
- Gjobat
Kur vjen dita e pagave ju shikoni se paga juaj janë zbritur para për shkak të vonesave që mund t’ju kenë ndodhur në punë apo gabimeve që mund të keni bërë. Kërkoni shumën që iu është shkurtuar nga paga juaj. Këto lloj gjobash janë të paligjshme.
- Puna jashtë orarit
Ju premtuan një ditë pune 8-orëshe, por në realitet punoni 10-12 orë, dhe nuk paguheni ashtë orarit. Mos e pranoni diçka të tillë dhe këtë gjë duhet ta bëni që në fillim mos i toleroni këto kërkesa që në herët e para që ndodhin.
- Pozicioni
Pavarësisht se ju marrin në punë si menaxher, ndodh që paga juaj të mos përputhet me pozicionin. Nëse zbuloni se në praktikë jeni në një nivel më të ulët apo ju ngarkojnë më shumë punë nga sa duhet të bëni ngrini zërin tuaj. Pozicioni dhe paga duhet të jenë në proporcion me njëra tjetrën.
V.Hydi/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.