5 mënyra për të tejkaluar pritshmëritë e konsumatorëve në 2018
Mbajtja e një niveli të lartë të shërbimit ndaj klientit, kënaqësia e konsumatorëve dhe shpërndarja e përvojave konsistente dhe pozitive të konsumatorëve është çelësi për çdo biznes që dëshiron të ketë sukses dhe të fitojë një avantazh konkurrues mbi bizneset e tjera në industrinë e tij.
Qëllimet në biznesin tuaj duhet të jenë gjithmonë për të tejkaluar pritjet e klientëve tuaj. Kjo është veçanërisht e rëndësishme për bizneset e orientuara drejt shërbimit që komunikojnë me klientët në të gjitha kanalet e komunikimit, veçanërisht ballë për ballë.
Viti 2018 edhe pak ditë edhe na paraprin, ndaj gjithsecili prej jush që ka një biznes duhet të ndjekë disa mënyra për të tejkaluar pritshmëritë e konsumatorit nga njëra ana, dhe nga ana tjetër kjo do ti sjell më shumë sukses.
Menaxho pritshmeritë
Para se të përpiqeni të tejkaloni pritshmëritë, filloni duke kuptuar se çfarë janë pritshmëritë e klientit tuaj. Kush jeni klientët? Çfarë duan ata? Çfarë pritjeje kanë konkurrentët tuaj për ta?
Çfarë lloj premtimesh mund t’u bëni atyre dhe të mbani? A është në gjendje ekipi juaj që t’iu përgjigjet kërkesave të klientëve brenda një ore apo do 24 orë kohë? Çfarëdo që të vendosni, bëjeni me arsyetim. Kujdes! Nuk ka gjë më të keqe se tejshpenzimi dhe nënshtrimi ndaj klientëve tuaj.
Bëji gjërat më të lehta
A e dini çfarë nuk pëlqejnë klientët? Atyre nuk u pëlqen që të përsërisin disa herë problemin e tyre ose të telefonojnë disa herë në kompani, duke mos marrë asnjëherë ndihmën e kërkuar.
“Nëse klienti juaj ka një problem, ai nuk do t’ia dijë se sa departamente duhen përfshirë ose sa e komplikuar mund të jetë zgjidhja, por ata kërkojnë vetëm një përgjigje”, thotë Gal Bareket, CEO i Routier.
Motivoni stafin
Sa zhgënjyese është që një punonjësi juaj të merret me një përfaqësues të konsumatorëve duke pasur një qëndrim apo duke mos u përpjekur ta ndihmojë? Gjeni mënyra të reja për të motivuar stafin tuaj dhe për të rritur moralin; programet e nxitjes dhe investimi në stafin tuaj janë mënyra më e mirë për të bërë ju. Do të shihni një përmirësim të madh në produktivitetin dhe në nivelin e kënaqësisë së klientit.
Jini të qëndrueshëm
Njerëzit pëlqejnë konsistencën. Nëse do të japësh një shërbim të shkëlqyeshëm, bëjeni çdo herë. Konsumatorët krijojnë pritshmëri nga përvojat e tyre të mëparshme – duan qëndrueshmëri dhe cilësi; kjo është mënyra e vetme për t’i bërë ata të ndihen të vlefshëm.
Dëgjoni
Dalai Lama ka thënë: “Kur flisni, ju përsërisni atë që tashmë e dini, por nëse dëgjoni, mund të mësoni diçka të re.”
Mos e nënvlerësoni opinionin dhe reagimet e klientëve tuaj, po ju mësojnë se si ta përmirësoni biznesin tuaj. Problemet që mund të kalojnë pa u vënë re nga ekipi juaj mund të krijojnë një ndikim të madh negativ në përvojën e klientit, por kurrë nuk do ta dini nëse nuk dëgjoni.
E.Z/SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.