5 mënyra si t’i shpëtoni ‘recensionit’ në vendin e punës!/ Si të mos jemi pjesë e ‘shkurtimeve’
Askush nuk ka siguri të plotë përsa i përket vendit të tij të punës, kjo për shkak të krizës financiare që ka prekur mbarë botën. Jo në pak vende, miliona punëtorë janë gjendur për herë të parë përballë një krize ‘punësimi’ pasi kanë mbetur të papunë. Pavarësisht, sa i suksesshëm jeni ju në në karrierën, sërish duhet të jeni të kujdesshëm sa i përket mënyrës se si mund të përballoni ‘’stuhinë’ e rradhës ekonomike që mund të prekë kompaninë në të cilën ju jeni të punësuar. Më poshtë ju listojmë disa mënyra se si të mbroheni në rast se do vijë momenti kur në ambjentin ku ju punoni, të bëhen ‘shkurtime’.
Nxirrni në pah vlerën tuaj në punë.
Nëse nuk vlerësoheni si dikush që i shton vlerë organizatës, ka të ngjarë të jeni të parët në listën e personave që do të pushohen nga puna. Filloni të kërkoni mënyra për t’ju treguar se jeni të pazëvendësueshëm, në punën që ju bëni. Gjithashtu, kushtojini një vëmendje të veçantë punës vullnetare brenda ose jashtë kompanisë, që t’u vërtetoni eprorëve tuaj se ju mund të mbushni disa hapësira boshe nëse është e nevojshme. Mendoni se çfarë mund të bëni për t’ju treguar që i jepni vlerë të shtuar ekipit dhe organizatës.
Përvetësoni aftësi të reja.
Asnjëherë mos u vetëkënaqni me performancën tuaj në punë. Mësoni aftësi të reja, pasi kjo është një nga mënyrat më të mira për të shtuar vlerën tuaj përpara syve të punëdhënësit. Duhet të keni sa më shumë informacion nga fusha të ndryshme, dhe nëse keni mundësi të rrisni karrierën tuaj duke ndjekur sërish studimet. Shumë organizata ofrojnë shkollim ose rimbursim të zhvillimit profesional. Por nëse punëdhënësi juaj nuk e bën, mendoni akoma të fitoni aftësitë që ju nevojiten. Kërkoni programe falas ose me kosto të ulët në internet, kërkoni një mik që t’ju mësojë, duke marrë pjesë në seminare ose të praktikoni vetë-studimin.
Ndërtoni marrëdhënie të forta
Krijoni marrëdhënie në mënyrë strategjike me njerëzit që duhet të njihni brenda dhe jashtë kompanisë suaj. Është e thjeshtë të zhytesh në punën tënde të përditshme, por kjo nuk është e mjaftueshme. Ndërtimi i marrëdhënieve dhe lidhjeve të forta ju siguron informacion, ide dhe mundësi të reja. Marrëdhëniet e forta gjithashtu hapin dyer. Gjithçka duhet të bëni është të krijoni një reputacion sa më të mirë për veten, që kolegët tuaj të besojnë se mund të mbështeten ose të drejtohen, tek ju si një burim i vlefshëm informacioni.
Bëhuni më të pëlqyeshëm
Asnjëherë mos e nënvlerësoni vlerën e të qenit pozitiv, i dobishëm, i lehtë për të punuar me të tjerët dhe i këndshëm për të qenë përreth kolegëve. Përqendrohuni në përmirësimin e marrëdhënieve tuaja në punë. Zgjerimi i marrëdhënieve tuaja përtej komunikimit zyrtar në vendin e punës, dhe tejkalimi i tyre në një nivel më personal, ju ndihmon të lidheni me ekipin. E gjithë kjo përpjekje shtesë ia vlen pasi në fund të ditës, kur ndodhin pushimet nga puna, është më e vështirë të heqësh dorë nga ata që janë të talentuar dhe të pëlqyer nga gjithë pjesa tjetër e punëtorëve.
Kushtojini vëmendje tregut të punës dhe trendeve të industrisë
Deri më tani, vëmendja ka qenë në ato që ju mund të kontrolloni dhe veprimet që mund të ndërmerrni. Por është gjithashtu e rëndësishme të jesh i vetëdijshëm për trendet në tregun e punës dhe brenda industrisë suaj. Nëse biznesi po ngadalësohet për kompanitë e tjera, kuptoni se çfarë po shkakton ngadalësimin dhe nëse organizata juaj është e ndjeshme ndaj të njëjtave çështje. Lexoni botimet e industrisë dhe lexoni në lidhje me biznesin vendor dhe lajmet ekonomike. Mbani kontakt me ish-kolegët për të mësuar se çfarë po ndodh në vendin e tyre të punës. Informacioni që merrni ju ndihmon të identifikoni mundësitë e mundshme të karrierës.
Elefteria Zguri/ SCAN
*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.