50 raste të reja me Covid – Rritet numri i të shëruarve dhe të hospitalizuarve

Në komunikimin e përditshëm të Ministrisë së Shëndetësisë, është bërë me dije se gjatë 24 orëve të fundit janë testuar 330 qytetarë ku kanë rezultuar pozitiv 50 raste të reja, duke e çuar në 1838 numrin total të të infektuarve në të gjithë vendin.

Rastet e reja janë përkatësisht: 17 raste në Tiranë,6 raste në Krujë, 5 raste në Lezhë, nga 4 raste Shkodër, Durrës dhe Fier, 3 raste në Korçë, 2 raste në Vlorë dhe Elbasan, nga 1 rast në Kurbin, Mirditë dhe Sarandë

Gjatë 24 orëve të fundit ka ndërruar jetë një pacient 69 vjeçar nga Kruja si pasoj e sëmundjeve shoqëruese.

Aktualisht në dy spitalet Covid janë të shtruar 64 pacientë ku 7 prej tyre janë në terapi intensive dhe 1 pacient është në intubim, ndërsa rastet e tjera po monitorohen nga mjeku i familjes.

Gjatë 24 orëve të fundit janë shëruar 28 pacientë, duke e çuar në 1114 numrin total të tyre dhe ka akoma dhe 682 raste aktive.

Ministria e Shëndetësisë dhe Mbrojtjes Sociale apelon për qytetarët që të vazhdojnë të respektojnë distancimin fizik dhe të mbajnë higjienën personale, po ashtu bizneset e hapura të respektojnë me rigorozitet protokollet e sigurisë.

SCAN

*Material i përgatitur nga portali SCAN. Ripublikimi mund të bëhet vetëm kundrejt citimit të autorësisë dhe burimit origjinal.